अहिल्यानगर, ता. 22
अहिल्यानगर शहरात एक धक्कादायक प्रकार उघडकीस आला आहे. एका महिला दंत डॉक्टरने पती आणि सासरच्या मंडळींविरोधात हुंड्यासाठी शारीरिक, मानसिक आणि आर्थिक छळ केल्याचा आरोप करत वाई (जि. सातारा) पोलीस ठाण्यात गुन्हा दाखल केला आहे. हा गुन्हा तपासासाठी कणा पोलिस ठाण्याकडे वर्ग करण्यात आला आहे.
आरोपींची नावे:
पती: रोहित उमेशचंद्र सुद्रिक
सासू: रोहिणी उमेशचंद्र सुद्रिक
सासरे: उमेशचंद्र विठ्ठलराव सुद्रिक
(सर्व रा. दिल्लीगेट, अहिल्यानगर)
फिर्यादी विवाहिता (महिला डॉक्टर) यांचा आरोप:
2012 मध्ये प्रेमविवाहानंतर सासरच्यांनी हुंडा न मागता विवाह स्वीकारला.
काही वर्षांनी सासू, सासरे व पतीने मिळून शिवीगाळ, दमदाटी, जातीवरून टोमणे मारणे आणि शारीरिक त्रास देणे सुरू केले.
2016 मध्ये पतीने क्लिनिकसाठी चारचाकी घेण्यासाठी माहेराहून सव्वा दोन लाख रुपये आणण्यास भाग पाडले.
2019 मध्ये अमेरिकेत पुढील शिक्षणासाठी 22 लाख रुपयांची मागणी केली, जी रक्कम माहेरच्या आई-भावाकडून उभी करून देण्यात आली.
सततचा मानसिक छळ सहन न होऊन अखेर पोलिसांत धाव घेतली.
पोलीस कारवाई:
पोलिसांनी तिन्ही आरोपींविरोधात शारीरिक, मानसिक, आर्थिक छळ आणि जातिवाचक अपमानाचे गुन्हे दाखल केले आहेत. अधिक तपास कणा पोलिस ठाणे करत आहे.