#BreakingNews | मुंबई हायकोर्टचा मोठा निर्णय!

मुंबईत सध्या मराठा आरक्षणाचा ज्वालामुखी पेटलेला आहे . मनोज जरांगे यांनी आझाद मैदानावर आमरण उपोषण सुरू केलंय आणि राज्यभरातून हजारो मराठा बांधव मुंबईत दाखल झालेत. पण या आंदोलनामुळे मुंबईच्या रस्त्यांवर मोठी गर्दी झाली , वाहतूक विस्कळीत झाली आणि कायदा-सुव्यवस्थेचा प्रश्न निर्माण झाला.

याच पार्श्वभूमीवर वकील गुणरत्न सदावर्ते यांनी मुंबई उच्च न्यायालयात याचिका दाखल केली . त्यावर सुनावणीदरम्यान हायकोर्टाने राज्य सरकारला थेट आदेश दिले आहेत “मुंबईचे रस्ते मोकळे करा आणि आंदोलकांना हटवा!”

कोर्टाने स्पष्ट केलंय की –

• आमरण उपोषणाला परवानगी नाही

• आंदोलकांना फक्त आझाद मैदानापुरतं आंदोलन करण्याची मुभा होती

• इतरत्र आंदोलनास परवानगी नाही

• नियम मोडल्यामुळे पोलिसांनी लगेच कारवाई करावी

राज्य सरकारने कोर्टात सांगितलं की आंदोलनासाठी केवळ 5 हजार लोकांना परवानगी होती, पण नियम मोडून मोठी गर्दी जमली. गणेशोत्सवाच्या पार्श्वभूमीवर पोलिसांसाठी कायदा-सुव्यवस्था राखणं आव्हानात्मक ठरत आहे .

गुणरत्न सदावर्ते यांनी मात्र सरकारवर टीका करताना म्हटलं, “मी 29 तारखेला तक्रार दिली होती, पण पोलिसांनी काहीच कारवाई केली नाही. आज राज्याचा मुख्यमंत्री मराठा नाही म्हणून हे आंदोलन असं सुरू आहे.”

म्हणजे आता सरळ कोर्टाचा आदेश –
उद्या दुपारी 4 वाजेपर्यंत जिथे रस्ते अडवलेत तिथून आंदोलक हटवा.
नियम मोडणाऱ्यांवर कारवाई करा.

या निर्णयामुळे आंदोलनाला नवा ट्विस्ट मिळालाय . एका बाजूला जरांगे “मी मरेपर्यंत उपोषण करणार” असं म्हणतायत , तर दुसरीकडे कोर्टाने सरकारला कडक भूमिका घेण्यास भाग पाडलंय.

आता सगळ्यांच्या नजरा मुंबई पोलिसांवर आणि राज्य सरकारच्या निर्णयावर – पुढचं पाऊल काय असणार?

#MarathaReservation #MumbaiHighCourt #ManojJarange #MetroNews