💔 वारीहून परतीचा प्रवास ठरला अखेरचा…

पती-पत्नींचा दुर्दैवी अपघातात मृत्यू

Last updated Jul 7, 2025

💔 वारीहून परतीचा प्रवास ठरला अखेरचा… पती-पत्नींचा दुर्दैवी अपघातात मृत्यू

श्रीगोंदा | 7 जुलै 2025 —
पंढरपूरची वारी करून घरी परतणाऱ्या येळपणे (ता. श्रीगोंदा) येथील वारकरी दांपत्याचा भीषण अपघातात दुर्दैवी मृत्यू झाला. रविवारी सकाळी सोलापूर-पुणे महामार्गावर भिगवणजवळ एका ट्रॅक्टरने त्यांच्या मोटरसायकलला जोरदार धडक दिली. या अपघातात मल्हारी बाजीराव पवार (57) यांचा जागीच मृत्यू झाला, तर पत्नी पंखाबाई पवार (54) यांचे रुग्णालयात उपचारापूर्वीच निधन झाले.

पंखाबाई पंढरपूर वारीसाठी खंडेश्वर महाराज दिंडीत सहभागी झाल्या होत्या. शनिवारी मल्हारी पवार पत्नीला आणण्यासाठी स्वतः मोटारसायकलने पंढरपूरला गेले. दोघांनी पांडुरंगाचं दर्शनही घेतलं, पण परतीच्या प्रवासातच नियतीने वेगळंच दृश्य लिहिलं होतं.

ही दुर्घटना समजताच सैनिक संघटनेचे नवनाथ खामकर व टीमने घटनास्थळी धाव घेऊन मदतकार्य केलं. रविवारी सायंकाळी दोघांवर शोकाकुल वातावरणात येळपणे येथे अंत्यसंस्कार करण्यात आले. गावावर शोककळा पसरली असून, त्यांच्या पश्चात एक मुलगा आणि दोन मुली असा परिवार आहे.

🕯️ वारीवरून आले, पण घरी पोहचूच शकले नाहीत… भाविकांच्या श्रद्धेवर काळाचा घाला!
👉 ही बातमी शेअर करा… एक अपघात किती घरं उद्ध्वस्त करू शकतो हे लक्षात घ्या!

#PandharpurWari #AccidentNews #Shrigonda #EmotionalNews #Warkari #SadNews #BreakingNews #MetroNews #Ahilyanagar