🔥🚨 अहिल्यानगरमध्ये स्थानिक गुन्हे शाखेची मोठी कारवाई! 🚨🔥

🔥🚨 अहिल्यानगरमध्ये स्थानिक गुन्हे शाखेची मोठी कारवाई! 🚨🔥

 

अहिल्यानगर जिल्ह्यात अवैध धंद्यांवर पोलिसांचा मोठा घाव बसला आहे. 🛑
पाथर्डीतील मोठ्या कारवाईनंतर आता सोनई पोलीस ठाणे हद्दीत स्थानिक गुन्हे शाखेने छापा टाकून माव्याचा मोठा साठा जप्त केला.

👮‍♂️ जिल्ह्याचे पोलीस अधीक्षक श्री. सोमनाथ घार्गे यांच्या आदेशानुसार स्थानिक गुन्हे शाखेचे निरीक्षक किरणकुमार कबाडी यांच्या मार्गदर्शनाखाली एक पथक तयार करण्यात आले होते. या पथकाला जिल्ह्यातील अवैध धंद्याची माहिती गोळा करून समुळ उच्चाटन करण्याचे आदेश देण्यात आले होते.

📅 दि. 1 सप्टेंबर 2025 रोजी, हे पथक गुप्त माहितीच्या आधारे सोनई-नेवासा रोडलगत, अमळनेर शिवार, जोरे वस्ती येथे पोहोचले. मिळालेल्या माहितीनुसार, तेथे एक इसम महाराष्ट्रात बंदी असलेला मावा व सुगंधीत तंबाखू विक्री करत असल्याचे निष्पन्न झाले.

पोलिसांनी छापा टाकला असता, सुनिल अण्णासाहेब येळे (वय 28, रा. अमळनेर, ता. नेवासा) याला ताब्यात घेण्यात आले. त्याच्याकडून
👉 सुगंधीत तंबाखू
👉 तयार मावा
👉 मावा तयार करण्यासाठी लागणारी कच्ची सुपारी
👉 मावा तयार करण्याचे मशिन
👉 वजनकाटा

असा तब्बल ₹1,54,100/- किंमतीचा मुद्देमाल जप्त करण्यात आला आहे. 💰

📑 आरोपीविरुद्ध गु.र.नं. 324/2025 प्रमाणे, भारतीय न्याय संहिता कायदा 2023 चे कलम 123, 223, 274, 275 अन्वये गुन्हा दाखल करण्यात आला आहे. जप्त मुद्देमाल व आरोपीला सोनई पोलिसांच्या ताब्यात देण्यात आले असून, पुढील तपास सुरू आहे.

👉 या कारवाईत पोहेकॉ राहुल व्दारके, पोना रिचर्ड गायकवाड, पोना सोमनाथ झांबरे, पोना बाळासाहेब नागरगोजे, पोकॉ रमीझराजा आतार, पोकॉ प्रकाश मांडगे, पोकॉ अमोल आजबे या अधिकाऱ्यांचा सहभाग होता.

ही कारवाई पोलीस अधीक्षक सोमनाथ घार्गे, अपर पोलीस अधीक्षक वैभव कलुबर्मे यांच्या सूचनांनुसार करण्यात आली.

📌 नागरिकांचा विश्वास वाढवणारी ही मोठी कारवाई ठरली असून, अवैध धंद्यावर पोलिसांचा लगाम बसणार असल्याची खात्री व्यक्त केली जात आहे.