चंदनापुरी येथे परप्रांतीय व्यावसायिकाचा खून

संगमनेर : शहरालगत असलेल्या चंदनापुरी येथे जावळे वस्तीनजीक पंक्चरचे दुकान चालविणाऱ्या परप्रांतीय तरुण व्यावसायिकाचा खून करण्यात आल्याचा प्रकार समोर आला आहे . हा खून कोणी व कशासाठी केला , याचा उलगडा पोलीस करीत आहेत . घटनेची माहिती मिळताच श्रीरामपूरच्या अपर पोलीस अधीक्षक स्वाती भोर , संगमनेरचे उपाधीक्षक राहुल मदने , स्थानिक गुन्हे शाखेचे निरीक्षक अनिल कटके यांच्यासह स्थानिक पोलिसांनी घटनास्थळी धाव घेतली .