🔔 आई-वडीलांनी ओवली मेहनत

मुलगा बनला चार्टर्ड अकाउंटंट!

Last updated Jul 7, 2025

🔔 आई-वडीलांनी ओवली मेहनत, मुलगा बनला चार्टर्ड अकाउंटंट!
💼 संगमनेरच्या गल्लीमधून थेट सीएच्या यशोशिखरावर

संगमनेर, ता.७: हातावर पोट असलेलं कुटुंब, दिव्यांग आई-वडीलांनी सराफ बाजारात बसून केलेलं गंठण काम आणि या परिस्थितीतून झेप घेतलेला विशाल मिठा – आज तो सीए (चार्टर्ड अकाउंटंट) झाला आहे!

विशालचे आई-वडील पांडुरंग आणि सुवर्णा मिठा हे मूळचे सोलापूर जिल्ह्यातील. संगमनेरच्या सराफी गल्लीत बसून दोघं मिळून सोन्याच्या गंठणांची कामं करत उदरनिर्वाह करतात. दिव्यांग आई आणि कष्टकरी वडिलांनी बचत गट आणि खासगी सावकारांकडून कर्ज काढून विशाल आणि त्याच्या बहिणीचं शिक्षण पूर्ण केलं.

📘 “सीए म्हणजे काय, हेही माहिती नव्हतं…”
११वीत असताना विशालने डॉक्टर पराग सराफ यांच्या मार्गदर्शनाखाली अकाउंट विषय घेतला आणि त्याच क्षणी सीए होण्याचं स्वप्न उराशी बाळगलं. बाल शिक्षण पद्मरसिक शाह शाळा, माध्यमिक शिक्षण श्री दिगंबर गणेश सराफ विद्यालय आणि संगमनेर कॉलेजमधून शिक्षण घेतलेल्या विशालने अखेर सीए फायनलची परीक्षा पास केली आणि सर्वांचं डोळ्यात पाणी आणणारा क्षण निर्माण केला.

🧑‍🏫 “माझ्या यशात शिक्षकांचा मोठा वाटा आहे. पण सगळ्यात मोठी प्रेरणा म्हणजे माझे आई-वडील. त्यांनी उपाशी राहून, कर्ज काढून माझं स्वप्न जगलं.” – विशाल मिठा

🎉 “असंच शिकवा मुलांना – ते तुमचं आयुष्य उजळवतील!”
विशालच्या यशाने आज संपूर्ण संगमनेर गाव गर्वाने बोलतंय. आई-वडिलांच्या डोळ्यांत आनंदाश्रू आहेत. आणि अनेक गरीब पालकांसाठी ही कहाणी प्रेरणादायी बनली आहे.

👨‍👩‍👧 “अत्यंत प्रतिकूल परिस्थितीत आमच्या मुलाने मिळवलेलं हे यश आमच्या कष्टांचं फळ आहे. परिस्थिती बदलू शकते, पण त्यासाठी मेहनत आणि चिकाटी लागते.” – पांडुरंग मिठा

#InspiredByReality #CAJourney #RealHeroes #SangamnerPride #ParentsSacrifice #FromGathanaToGlory #MetroNewsExclusive