🕊️ पंढरीचा वारकरी अनंतात विलीन! आत्महत्येने खळबळ 🚨

🛑 पंढरपूरहून परतताना घडलेली ही दुर्दैवी घटना वारकऱ्यांच्या भावविश्वात चटका लावणारी ठरली आहे.

Last updated Jul 2, 2025

🕊️ पंढरीचा वारकरी अनंतात विलीन! आत्महत्येने खळबळ 🚨

अहिल्यानगर | ३० जून
पंढरपूरची वारी करून गावाकडे परतणाऱ्या 62 वर्षीय वारकऱ्याने रुईछत्तीशी (ता. नगर) येथील शेतातील झाडाला गळफास घेऊन आत्महत्या केल्याने खळबळ उडाली आहे. मृत वारकऱ्याचे नाव सुखदेव लक्ष्मण रावे असून ते मिसळवाडी (जि. बुलढाणा) येथील रहिवासी होते.

मिळालेल्या माहितीनुसार, रावे हे केस कर्तनाचा व्यवसाय करीत होते आणि दरवर्षी वारीत सहभागी होत. यंदा त्यांनी आळंदी ते पंढरपूर अशी वारी केली होती. दर्शनानंतर ते एसटीने गावाकडे निघाले, मात्र रुईछत्तीशी येथे उतरल्यानंतर त्यांनी ३० जून रोजी सकाळी एका शेतात कडुनिंबाच्या झाडाला गळफास घेतला.

घटनेची माहिती मिळताच पोलिसांनी घटनास्थळी धाव घेतली. सुखदेव रावे यांना तात्काळ जिल्हा रुग्णालयात नेले असता डॉक्टरांनी मृत घोषित केले. प्राथमिक माहितीनुसार, आत्महत्येचे कारण स्पष्ट झाले नसले तरी पोलिसांनी आकस्मिक मृत्यूची नोंद करत पुढील तपास सुरू केला आहे.

रावे यांच्या पश्चात पत्नी, तीन भाऊ, एक बहीण, एक मुलगा, एक मुलगी, सून व नातवंडे असा मोठा परिवार आहे.

🛑 पंढरपूरहून परतताना घडलेली ही दुर्दैवी घटना वारकऱ्यांच्या भावविश्वात चटका लावणारी ठरली आहे.

#WarkariNews #PandharpurWari #SadNews #SuicideCase #AhilyanagarUpdates #MetroNews