🚨 15 ऑगस्टपासून आमरण उपोषणाची घोषणा!

'अनुकंपा नोकरी'साठी आजीचा राजभवनवर हल्ला बोल!

Last updated Aug 7, 2025

🚨 15 ऑगस्टपासून आमरण उपोषणाची घोषणा! ‘अनुकंपा नोकरी’साठी आजीचा राजभवनवर हल्ला बोल!

🗣️ “नातवाला न्याय मिळाला नाही तर 15 ऑगस्टला थेट राजभवनासमोर उपोषण!” – सुलोचना केदारे यांचा इशारा

अहमदनगर | भिंगारच्या वाल्मिकी सोसायटीमधील सुलोचना केदारे या आजी थेट मुंबईच्या राजभवनासमोर आंदोलनाची तयारी करत आहेत! कारण? आपल्या नातवाला – विक्रम केदारे याला अनुकंपा तत्वावर नोकरी मिळावी यासाठी त्या 2021 पासून लढा देत आहेत!

त्यांचे चिरंजीव – विठ्ठल केदारे हे पोलीस विभागात आचारी होते. 2021 मध्ये त्यांचे निधन झाले आणि याच वर्षी सुनेने पोलीस सेवेतून निवृत्ती घेतली. यानंतर विक्रमला नोकरी मिळवण्यासाठी अनुकंपेची मागणी सुरू झाली. पण सुलोचना केदारे यांचा गंभीर आरोप आहे की, पोलीस विभागातील कर्मचाऱ्याने लाच मागितली, आणि पैसे न दिल्यामुळे विक्रमची फाईल थांबवण्यात आली!

2023 मध्ये त्यांनी आंदोलन केल्यानंतर वैद्यकीय चाचणीसाठी विक्रमला जिल्हा रुग्णालयात बोलावले गेले. पण डॉक्टरांनी अधिक पैसे मागितले असा धक्कादायक आरोपही त्यांनी केला! पैसे न दिल्याने चाचणी अर्धवट राहिली आणि विक्रमच्या पोलीस भरतीवरील स्वप्नांवर पाणी फिरलं!

सुलोचना केदारे यांनी आता थेट राज्याच्या राजभवनावर निशाणा साधला आहे. “विक्रमची वैद्यकीय तपासणी मुंबईच्या J.J. रुग्णालयात झाली पाहिजे, नाहीतर 15 ऑगस्टपासून मी आमरण उपोषणाला बसेन!” असा स्पष्ट इशारा त्यांनी दिला आहे.

त्यासोबतच त्यांनी 2021 पासून जिल्हा रुग्णालयात तपासले गेलेल्या सर्व पोलीस भरती उमेदवारांची चाचणी पुन्हा J.J. हॉस्पिटलमध्येच व्हावी, अशीही मागणी केली आहे.

📢 आजोबांची लढाई – नातवाच्या भविष्यासाठी!
📅 लक्ष ठेवा – 15 ऑगस्ट, मुंबई, राजभवन
👉 हा अन्याय किती काळ सहन करायचा?

#अनुकंपा_न्याय #PoliceRecruitment #JJHospitalDemand #15AugustProtest #SulochanaKedare #MetroNewsExclusive