🚨 Major Crackdown on Gutkha Mafia in Nagar!

नगरमध्ये गुटखा माफियावर मोठी कारवाई!
पोलिसांच्या सापळ्यात 5.5 लाखांचा गुटखा आणि तिघे जेरबंद!

अहिल्यानगर | नगर जिल्ह्यात गुटख्याची तस्करी करणाऱ्या टोळीवर पोलिसांनी मोठा घाव घातला आहे. पोलीस अधीक्षक सोमनाथ घार्गे यांच्या विशेष पथकाने कारवाई करत तब्बल ₹5,54,885 किंमतीचा मुद्देमाल जप्त केला आहे. यात गुटखा, पानमसाला, सुगंधीत तंबाखू आणि एक चारचाकी वाहनाचा समावेश आहे.

ही कारवाई 5 जुलै रोजी कर्जत पोलीस ठाण्याच्या हद्दीत, परिविक्षाधीन पोलीस उपअधीक्षक संतोष खाडे यांच्या नेतृत्वाखाली करण्यात आली. राशिन-भिगवण रस्त्यावर एका वाहनातून गुटखा नेला जात असल्याची माहिती मिळताच पथकाने सापळा रचून संशयित वाहनाची झडती घेतली आणि गुटख्याचे बॉक्स व गोण्या आढळून आल्या.

जेरबंद आरोपींची नावे:
संभाजी शिवाजी सरक (वय 35, भिगवण, पुणे)
अमर अनिल कांबळे (वय 35, राशिन, कर्जत)
भाऊसाहेब किसन सकुंडे (वय 27, भिगवण, पुणे)

तिघांवर कर्जत पोलीस ठाण्यात गुन्हा दाखल करण्यात आला आहे.

ही कारवाई पोलीस अधीक्षक घार्गे, अपर पोलीस अधीक्षक प्रशांत खैरे, वैभव कलुबर्मे, सुनील पाटील यांच्या मार्गदर्शनाखाली करण्यात आली. पुढील तपास कर्जत पोलीस करत आहेत.

अवैध धंदेवाल्यांनो सावधान! नगर पोलिसांची नजर तुमच्यावर आहे!