डॉक्टर अनिल बोरगे आणि विजय रणदिवे यांना पाच दिवसांची पोलीस कोठडी

भा द वि कलम ४२० प्रमाणे दाखल गुन्ह्यात बोरगे आणि त्याच्या साथीदाराला अटक केल्यानंतर गुरुवारी त्याला नगर जिल्हा न्यायालयात हजर करण्यात आले. पोलिसांनी त्याला १४ दिवसांची पोलीस कोठडी मागितली. न्यायालयाने या दोघांना ५ दिवसांची पोलीस कोठडी दिली आहे.

        स्वच्छ सर्वेक्षण अभियान आणि इतर राज्याच्या योजनांसाठी सरकारी तिजोरीतून आलेला पैसा सरळ आपल्या खात्यात आणि नातेवाईकांच्या खात्यात वर्ग केल्याचा आरोप या दोघांवर आहे. याची पालिकेत रीतसर चौकशी समिती नेमून चौकशी करण्यात आली. आणि त्यात दोषी आढल्यानानंतर बोरगे आणि विजय रणदिवे या दोघांविरुद्ध कोतवाली पोलीस ठाण्यात फिर्याद देण्यात आली. आरोग्य अधिकारी डॉ राजूरकर यांच्या फिर्यादीवरून हा गुन्हा पोलिसांनी दाखल करून घेतला. या प्रकरणी अधिक तपास करण्यासाठी सरकारी वकिलांनी आरोपींच्या पोलीस कोठडीची मागणी केली.