📌 अहिल्यानगर शहर हादरले! शाळेतच दहावीच्या विद्यार्थ्याचा खून… 😢

अल्पवयीन आरोपी ताब्यात

On Jun 26, 2025

📌 अहिल्यानगर शहर हादरले! शाळेतच दहावीच्या विद्यार्थ्याचा खून… 😢

आज दुपारी साडेतीनच्या सुमारास अहिल्यानगरच्या एका शाळेत संतापजनक घटना घडली. घरासमोर क्रिकेट खेळण्याच्या जुन्या वादातून आठवीत शिकणाऱ्या विद्यार्थ्याने शाळेच्या पोर्चमध्ये दहावीच्या विद्यार्थ्यावर चाकूने वार करून त्याचा खून केला.

👦 मयत मुलगा अभ्यासात हुशार होता. तो खेळांत सहभागी व्हायचा, बुद्धिबळही खेळायचा. मात्र आज तो शाळेच्या सुटीत रक्तबंबाळ अवस्थेत कोसळला आणि उपचारापूर्वीच जिल्हा रुग्णालयात त्याचा मृत्यू झाला.

🔹 घटनेमागील कारण:
मयत मुलगा आपल्या सासरच्या घरासमोर क्रिकेट खेळायला जात असे. त्यावरून त्या परिसरातील एक कुटुंब नेहमी वाद घालत होते. ‘तुमच्या मुलाला समजवा, नाहीतर आम्ही त्याला जीवंत ठेवणार नाही,’ अशा धमक्या दिल्या जात होत्या. याबाबत २०२४ मध्ये पोलिस ठाण्यात तक्रारही दाखल झाली होती. आज या जुन्या वादाचा विखारी शेवट झाला.

🔹 अल्पवयीन आरोपी ताब्यात
खून करणारा आठवीतील विद्यार्थी आणि त्याचा मित्र पोलिसांनी ताब्यात घेतला आहे. पोलिस तपास सुरू आहे. आठवीत शिकणाऱ्या मुलाकडे चाकू आला कोठून? हा प्रश्न सध्या शहरभर चर्चेत आहे.

💔 एक हुशार, निरागस जीव काळाच्या पडद्याआड गेला…
या घटनेमुळे संपूर्ण समाज हादरला आहे. शाळा, शिक्षक, पालक आणि विद्यार्थी सगळेच अस्वस्थ झाले आहेत.

🙏 विचार करा — आपल्या मुलांच्या संतापाचे कारण, त्यांच्या हाती लागणारे हत्यार, आणि समाजातील दुश्मनी यांचा शेवट एवढा भयंकर का व्हावा?