“मॅकडॉल सरकार” की महायुती? 

 “मॅकडॉल सरकार” की महायुती?  अजित पवारांचं स्पष्टीकरण, दमानियांचा हल्लाबोल आणि आव्हाडांची जहरी टीका!

मद्य परवाना घोटाळा का वळतोय अजित पवारांकडे?
पुण्यात पत्रकारांशी बोलताना उपमुख्यमंत्री आणि उत्पादन शुल्क मंत्री अजित पवार यांनी मोठं विधान केलं:

“राज्यात नवे मद्यविक्रीचे परवाने देण्याचा निर्णय घेतलेला नाही. आणि कोणत्याही निर्णयामुळे माझ्या मुलाच्या कंपनीला फायदा झाला असेल, तर पुरावा द्या!“

 पण नेमकं वाद काय आहे?
राज्य सरकारच्या निर्णयानुसार, ४१ विदेशी मद्य उत्पादक कंपन्यांना ३२८ नवे एफएल-२ परवाने मिळणार आहेत. ही परवाने राज्यभरातील ८ महसूल विभागांमध्ये दिली जातील. आणि इथूनच कॉन्फ्लिक्ट ऑफ इंटरेस्टचा आरोप सुरू झालाय.

 जय पवार, म्हणजेच अजित पवार यांचा मुलगा, हा ‘कॅपोविटज प्रा. लि.’ या मद्यनिर्माण करणाऱ्या कंपनीचा भागीदार आहे.
त्यामुळे विरोधक आणि सामाजिक कार्यकर्त्यांनी आरोप केला की, नव्या परवान्यांच्या निर्णयातून थेट फायद्याचं राजकारण चाललंय!

---

 दमानिया Vs पवार

सामाजिक कार्यकर्त्या अंजली दमानिया म्हणाल्या:

“ज्यांचं सगळं आहे – साखर कारखाने, मद्यार्क कंपन्या, त्यांचे नातेवाईक त्या कंपन्यांत! आणि आता मद्यविक्रीचं मार्केटही यांचंच? अजित पवारांना मंत्रीपदावर ठेवणं योग्य नाही.“

---

 आव्हाडांचा फुल ऑन अटॅक:

राष्ट्रवादी (शरद पवार गट) आमदार जितेंद्र आव्हाड यांनी थेट टोला लगावला:

“हे महायुती सरकार नाही, हे ‘मॅकडॉल सरकार’ आहे! महाराष्ट्र साधुसंतांचा आहे, तुम्ही त्याला बेवड्यांचा राज्य करू पाहता!“

---

 अजित पवार यांनी स्पष्टीकरण दिलं की, “नवे परवाने नाहीत, स्थलांतर होणं वेगळं आहे. माजी मंत्री भुमरे यांचा परवाना २४ तासात ट्रान्सफर झाला असं नाही – त्याला दीड महिना लागला.”

 मात्र २६ जूनला शासन निर्णय जाहीर झाला आणि यावरूनच वाद पेटला.

---

 

#LiquorLicenseScam #AjitPawar #MackdollSarkar #JayPawar #AnjaliDamania #JitendraAwhad #PoliticalControversy #MetroNewsExclusive