शिक्षक बँकेचा डिजिटल युगात प्रवेश! ऑनलाईन बँकिंग आणि कमी व्याजदराची मेगाघोषणा

शिक्षक बँकेचा डिजिटल युगात प्रवेश! ऑनलाईन बँकिंग आणि कमी व्याजदराची मेगाघोषणा

#TeachersBank #DigitalBanking #SmartSavings

अहमदनगर | मेट्रो पोर्टल स्पेशल

अहमदनगर जिल्हा प्राथमिक शिक्षक सहकारी बँकेचा १०६ वा वर्धापन दिन यंदा मोठ्या घोषणांसह साजरा होत आहे. बँकेचे अध्यक्ष बाळासाहेब तापकीर आणि उपाध्यक्ष योगेश वाघमारे यांनी पत्रकार परिषदेत सांगितलं की, वर्षाअखेरपर्यंत डिजिटल व ऑनलाईन बँकिंग सेवा सुरू करण्यात येणार आहे!

साथच, अनेक महिन्यांपासून बंद असलेली ATM सेवा पुन्हा सुरू करण्यात आली आहे. यंदाच्या आर्थिक वर्षात बँकेला ₹६.६८ कोटी निव्वळ नफा झाला असून, सभासदांना ५% लाभांश दिला जाणार आहे.

कार्यक्षेत्र वाढ – शेड्युल बँकचा टार्गेट!

गुरुमाऊली सदिच्छा मंडळाचे जिल्हाध्यक्ष संतोष दुसुंगे यांनी सांगितले की, बँकेचं कार्यक्षेत्र वाढवण्याचा प्रस्ताव वार्षिक सभेत मांडला जाणार आहे. कार्यक्षेत्र वाढल्यानंतर बँक शेड्युल बँक होईल, आणि त्यानंतर सभासदांना ७% पेक्षा कमी व्याजदराने कर्ज मिळणार असल्याचं त्यांनी स्पष्ट केलं.

सभासदांच्या हितासाठी:

• कर्ज व्याजदर ७.५०%, ७.९०% आणि ८.४०%
• कायम ठेवींवर ७% व्याज
• सरासरी १.०९% फरकाने फायदेशीर कारभार
• सभासद कर्ज निवारण निधी नियमावलीमध्ये सुधारणा
• कर्मचारी संरचनेत सुधारणा प्रस्तावित

पारदर्शक संवादासाठी सभेचा नवा ट्रेंड!

पूर्वी ५ मिनिटांत उरकली जाणारी सभा, आता ९ तास चालणारा संवादमंच बनली आहे! यंदाची सभा २० जुलै २०२५ रोजी असून, सभासदांच्या सर्व प्रश्नांना उत्तरे दिली जाणार असल्याचं संचालक मंडळाचं स्पष्ट आश्वासन आहे.

---

शिक्षक बँक झाली स्मार्ट – डिजिटल बँकिंग, पारदर्शक व्यवहार आणि सभासदहित केंद्रस्थानी!
#TeachersBankUpgrade #BankingForTomorrow #DigitalTeachersBank

 

अधिक अपडेटसाठी फॉलो करा – मेट्रो पोर्टल