“राशीन चौकाचं नाव ‘महात्मा फुले चौक’च राहणार!”

 “राशीन चौकाचं नाव ‘महात्मा फुले चौक’च राहणार!”
 साथीने घेतला निर्णय; चौकात भगवा झेंडा फडकणार!

 कर्जत | पोलीस न्यूज नेटवर्क

जातीय तणावाच्या पार्श्वभूमीवर अखेर शांततेचा इतिहास रचला गेला!
राशीन चौकाचं नाव क्रांती सूर्य महात्मा फुले चौक असंच राहणार असून, तिथेच भगवा झेंडाही फडकणार – हा ऐतिहासिक निर्णय आज तहसील कार्यालयात पार पडलेल्या शांतता कमिटीच्या बैठकीत दोन्ही समाजांनी एकमताने घेतला.

 काय घडलं होतं?

 राशीन चौकाच्या नावावरून मराठा आणि माळी समाजात तणाव
 दोन्ही बाजूंनी आंदोलन आणि बंदची हाक
 प्रशासनाची शांती राखण्याची कसोटी
 पोलिसांनी घेतल्या दोन शांतता कमिटी मीटिंग्ज
 अखेर दोन्ही समाजांचा एकमुखी निर्णय – “शांतता आणि सलोख्याला प्राधान्य!”

 निर्णय काय घेतला?

 चौकाचं नाव – महात्मा फुले चौकच राहील
 चौकात – महात्मा फुले यांचा सुसज्ज चबुतरा (सुशोभीकरण)
 आणि – स्वराज्याचा भगवा ध्वज फडकवण्यात येईल

हा निर्णय घेत जातीय सलोखा आणि एकात्मतेचा जबरदस्त संदेश दिला गेला. राशीनने महाराष्ट्राला एकोपा कसा राखायचा हे दाखवून दिलं!

 कोणी होते पुढे?

 तहसीलदार गुरू बिराजदार
 पोलीस निरीक्षक सोपानराव शिरसाट
 गटविकास अधिकारी अजिंक्य सूर्यवंशी
 प्रशांत वाकचौरे (बांधकाम)
 शाम कानगुडे, शाहूराजे भोसले, राजेंद्र देशमुख, विजय मोढळे, डॉ. विलास राऊत आदींचा मोलाचा वाटा

 ‘बंद’ मागे!

 

पूर्वी घोषित केलेला कर्जत, राशीन व मिरजगाव बंद आता मागे घेण्यात आला आहे.
शांतता कमिटीने घेतलेला सामंजस्यपूर्ण निर्णय सर्व समाजांनी स्वीकारल्याने आता गावात पूर्ण शांतता आणि सौहार्दाचं वातावरण आहे.