बार्शीतून तब्बल ६९२ किलो गांजा जप्त!

रासायनिक खतांच्या गोण्यांमध्ये दडवून लाखोंचा “हाय” खेळ सुरू होता. पण बार्शी पोलिसांनी जबरदस्त धाड टाकून १ कोटी ६३ लाखांचा मुद्देमाल जप्त केला आहे.

प्रकरण असं की, बार्शी ग्रामीण पोलिसांना गुप्त माहिती मिळाली की भोयरे शिवारात एका कंटेनर ट्रक मधून दुसऱ्या आयशर टेम्पोमध्ये गांजाच्या गोण्या भरल्या जात आहेत. ट्रकवरून फक्त “खत” नेलं जातंय असं दाखवून आत गांजा लपवण्यात आला होता. पण पोलिसांनी गुप्त सापळा रचला आणि थेट रेड मारली!

जप्त मुद्देमाल:

• ६९२ किलो गांजा – किंमत तब्बल ₹१.३८ कोटी

• तीन वाहने – किंमत ₹२५ लाख

• एकूण जप्ती = ₹१.६३ कोटींचा डंका

या कारवाईत पोलिसांनी अंकुश दशरथ बांगर (रा. भोयरे, ता. बार्शी) याला पाठलाग करून पकडलं. मात्र तिघे आरोपी घटनास्थळावरून पसार होण्यात यशस्वी झाले. पोलिसांनी त्यांचा शोध सुरू केला असून लवकरच ते जाळ्यात अडकतील असं सांगितलं जातंय.

गांजाची मोजणी गुरुवारी दुपारपासून रात्री उशिरापर्यंत सुरू होती. प्रकरण इतकं मोठं होतं की पोलिसांच्या टीमलाही वेळ लागला!

धाडसी पोलिसांची टीम:
ही थरारक कारवाई जिल्हा पोलिस प्रमुख अतुल कुलकर्णी, अतिरिक्त पोलिस अधीक्षक प्रितम यावलकर, उपविभागीय पोलिस अधिकारी अशोक सायकर यांच्या मार्गदर्शनाखाली करण्यात आली.

फ्रंटलाइनवर होते – पोलीस निरीक्षक बालाजी कुकडे, स.पो.नि. दिलीप ढेरे, अभय उंदरे, मंगेश बोधले, युवराज गायकवाड, सिद्धेश्वर लोंढे, सागर शेंडगे, उत्तरेश्वर जाधव, अविरत बरबडे, राहुल बोंदर

 

पोलिसांचा प्रश्न – “शेतकऱ्यांसाठी असलेली खताची गाडी आता नशेखोरांसाठी का वापरली जाते?”
नेटिझन्सचा राग –
“ड्रग माफिया गावोगावी पसरतोय!”
“बार्शी पोलिसांची कारवाई खरंच सलाम करण्यासारखी!”

ही बातमी आता सोशल मीडियावर जोरदार व्हायरल होतेय.
#BarshiPolice #GanjaSeizure #AntiDrugs #MaharashtraNews #MetroViral