Maratha Movement Latest Update!

 

आझाद मैदानावर आंदोलनास मनाई!

मराठा आरक्षणाच्या मुद्द्यावर पुन्हा एकदा वातावरण तापलंय. मुंबई उच्च न्यायालयाने आज (मंगळवार) स्पष्ट केलं की आझाद मैदानात किंवा शहरातील कोणत्याही महत्त्वाच्या ठिकाणी आंदोलन करायचं असेल तर परवानगी घेणं बंधनकारक आहे.

न्यायालयानं मराठा समाजाचे नेते मनोज जरांगे पाटील यांना थेट सांगितलं की परवानगीशिवाय आंदोलन करता येणार नाही. गणेशोत्सव जवळ आलाय आणि त्यादरम्यान गर्दी, रहदारीत अडथळे किंवा गोंधळ होऊ नये म्हणून हा निर्णय घेण्यात आला आहे. तसेच, नवी मुंबईसारखी पर्यायी जागा आंदोलनासाठी वापरण्याचा सल्लाही कोर्टानं दिला.

---

पण या निर्णयानंतरही जरांगे पाटील यांनी संघर्ष सुरू ठेवण्याचा निर्धार व्यक्त केलाय. ते म्हणाले
“आम्ही कायदा आणि संविधान पाळून आंदोलन करू. कोर्टाचे आदेश मोडले जाणार नाहीत. आमचे वकील आपले म्हणणे मांडतील आणि आम्हाला खात्री आहे की न्याय मिळेल. 29 ऑगस्टला आझाद मैदानावर पोहोचणारच!”

जरांगे पाटील यांनी जाहीर केलंय की उद्या सकाळी 10 वाजता हजारो मराठा बांधवांसह मुंबईकडे कूच होणार आहे.

---

जरांगे पाटील यांच्या प्रमुख मागण्या :

• मराठा आणि कुणबी एकच असल्याचं मान्य करावं

• हैदराबाद गॅझेटियर, सातारा आणि बाँबे गॅझेटियर लागू करावं

• सगे सोयरे अध्यादेश तातडीने लागू करून नोंदी स्वीकाराव्यात

• गुन्हे मागे घ्यावेत

• मराठा समाजाला टिकणारं, कायदेशीर आरक्षण द्यावं

---

मोर्चाचा कार्यक्रम :

• 27 ऑगस्ट : आंदोलनाची सुरुवात अंतरवालीवरून

• पैठण → शेवगाव → आळे फाटा → जुन्नर मार्गे प्रवास

• 28 ऑगस्ट रात्री : आझाद मैदानात दाखल

• 29 ऑगस्ट सकाळी 10 वाजता : आंदोलनाची सुरुवात

---

या सर्व घडामोडींमुळे पुढील काही दिवस मुंबईत तणावाचे वातावरण निर्माण होऊ शकतंय. सरकारकडून चर्चा सुरू आहेत, पण जरांगे पाटील यांच्या निर्धारामुळे मराठा आंदोलनाची ही नवी लाट आणखी व्यापक होणार हे नक्की!

तुम्हाला काय वाटतं
मराठा समाजाला खरंच न्याय मिळेल का
की पुन्हा एकदा संघर्ष वाढणार

#MarathaReservation #ManojJarange #AzadMaidanProtest #MumbaiNews #MetroPortal