33 वर्षांची मेहनत फळाला!

अहिल्यानगरमधील जागतिक ख्यातीचे चित्रशिल्पकार प्रमोद कांबळे यांनी सुरू केलेली इको-फ्रेंडली गणपतीची चळवळ आज खऱ्या अर्थाने यशस्वी झाली आहे

कांबळे सरांनी सांगितले की, त्यांनी 33 वर्षांपूर्वी पर्यावरणपूरक गणपती बनवण्याचा संकल्प केला होता. आज राज्यभर काय, तर देशभर इको-फ्रेंडली मूर्ती बनवण्याच्या कार्यशाळा घेतल्या जात आहेत. मुलं, तरुण, कला शिक्षक आणि हजारो कला प्रेमी यात सामील झाले आहेत.

यंदा त्यांच्या घरात खास क्षण घडला – त्यांचा नातू विराज शुभंकर कांबळे याने स्वतःच्या हाताने मातीचा छोटा गणपती तयार केला! कांबळे सरांनी भावूक होत सांगितले की, “ही आमच्या घराण्याची पाचवी पिढी कला साधनेत दाखल झाली आहे”

---

कांबळे सरांचा प्रवास

• लहानपणी नगरमधील मूर्तीकार साताळकर यांच्या कारखान्यात तासनतास गणपती बनताना बघणे

• स्वतःच्या हाताने दरवर्षी दोन मूर्ती बनवणे

• 33 वर्षांपूर्वी रावसाहेब पटवर्धन येथे पहिली “गणपती बनवा कार्यशाळा” सुरू

• पहिल्या 33 मुलांचे गणपती स्वतः करून दिले, त्यातून शिकलो आणि नवी सोपी पद्धत शोधली

त्यांनी पाहिले की, Plaster of Paris च्या मूर्ती पाण्यात विरघळत नाहीत, रंगांमुळे मासे मरतात आणि पर्यावरणाची हानी होते. म्हणून त्यांनी पर्यावरणपूरक मूर्ती बनवण्याची चळवळ सुरू केली.

---

आजचे चित्र

• राज्य सरकारने POP मूर्तींवर बंदी आणली

• कृत्रिम तलावात विसर्जनाची मोहिम सुरू झाली

• आज हजारो कलाकार Eco-Friendly Ganesha तयार करत आहेत

• शेकडो कार्यशाळांमधून हजारो मुलांना प्रत्यक्ष शिकवले जात आहे

कांबळे सरांच्या या उपक्रमामुळे गणपती उत्सवाला नव्या पिढीचा हिरवा रंग लाभला आहे
त्यांनी व्यक्त केलेल्या भावना –
“आज ही चळवळ राज्यभर आणि देशभर पोहोचली आहे, यशस्वी झाली आहे, हीच खरी आनंदाची गोष्ट आहे.”

---

Metro Verdict
प्रमोद कांबळे यांची इको-फ्रेंडली गणपती चळवळ म्हणजे आजच्या पिढीसाठी प्रेरणा!
33 वर्षांच्या प्रयत्नानंतर आता हजारो हातांनी पर्यावरणपूरक गणपती घडवले जात आहेत. हीच खरी संस्कृतीची आणि पर्यावरणाची जपणूक आहे.

संगमनेरकरांनो आणि महाराष्ट्रकरांनो, तुमच्या घरात यंदा Eco-Friendly गणपती आहे का? कमेंटमध्ये नक्की सांगा!

---

#EcoFriendlyGanpati #MetroNews #GaneshUtsav2025 #GreenInitiative #Ahilyanagar #PramodKamble #ClayGanesha