मनोज जरांगे पाटील आझाद मैदानावरून LIVE – मराठा आंदोलनाचा ज्वालामुखी पुन्हा पेटला!

मुंबईच्या आझाद मैदानावर मराठा समाजाच्या आरक्षणासाठी पुन्हा एकदा ज्वालामुखी धगधगू लागलाय!  मराठा आरक्षणाचा प्रश्न सोडवण्यासाठी मराठा क्रांती मोर्चाचे नेते मनोज जरांगे पाटील यांनी आजपासून मुंबईत बेमुदत उपोषणास सुरुवात केली आहे. 

उपोषण सुरू करण्याआधी त्यांनी स्पष्ट शब्दात सरकारला इशारा दिला –
 “सरकारने गोळ्या घातल्या तरी मागे हटणार नाही!”
 “डोक्यावर गुलाल पडल्याशिवाय आता मुंबई सोडणार नाही!”

 आझाद मैदानावर हजारो मराठा बांधवांचा महासागर जमला असून जरांगे पाटील यांनी समाजाला शांततेचं आवाहन केलं आहे. त्यांनी आंदोलकांना सांगितलं –

• “घाई, गडबड, गोंधळ करू नका ”

• “दगडफेक, जाळपोळ टाळा ”

• “पोलिसांना पूर्ण सहकार्य करा ”

• “मुंबईकरांना त्रास होणार नाही, याची काळजी घ्या ”

मनोज जरांगे यांनी मुख्यमंत्री देवेंद्र फडणवीस यांना थेट आव्हान दिलंय –
 ‘आरक्षण मिळेपर्यंत हलणार नाही!’ 

त्यांनी हेही स्पष्ट केलं की समाजाचं वाटोळं होऊ द्यायचं नाही. सरकारने परवानगी दिली म्हणून त्यांनी सरकारचं आभार मानलं, पण त्याचबरोबर आता बेमुदत उपोषणाची मागणीही केली. 

 आंदोलनात सहभागी झालेल्या राज्यभरातील मराठा बांधवांना त्यांनी तातडीचं आवाहन केलं –
“दोन तासांत मुंबई मोकळी करा!”
 म्हणजेच, आंदोलकांनी आपापल्या गाड्या रस्त्यावरून हटवून पोलीस दाखवतील तिथे पार्क कराव्यात. कोणताही गोंधळ होणार नाही याची दक्षता घ्यावी.

 या आंदोलनाचं चित्रण वेगळंच होतं – एका बाजूला समाजासाठी जीव ओवाळून आंदोलन करणारा नेता आणि दुसऱ्या बाजूला न्याय मिळवण्यासाठी जमलेले हजारो मराठा बांधव! 

मराठा आरक्षणाचा प्रश्न सोडवला नाही तर हे आंदोलन पुढे आणखी भडकू शकतं, असा मोठा इशारा या उपोषणाने दिला आहे.

 सोशल मीडियावर जरांगे पाटलांच्या या घोषणांनी प्रचंड चर्चा रंगली आहे.
“गोळ्या झेलू पण मागे हटणार नाही!” 
“डोक्यावर गुलाल पडलाच पाहिजे!” 
हे वाक्यं आता मराठा आंदोलनाची नवी घोषणाबाजी ठरत आहेत.

 #ManojJarange #MarathaAarakshan #MumbaiLive #AzadMaidan 

 मित्रांनो, तुम्हाला काय वाटतं – सरकारने आता तातडीने निर्णय घ्यावा का?