गौरी-गणपतीची धमाल मिरवणूक – महिलांचा उत्स्फूर्त सहभाग ठरला खास आकर्षण!

अहिल्यानगर दुमदुमलंय! रविवारी (31 ऑगस्ट) रेल्वे स्टेशन परिसरात गौरी-गणपतींचं आगमन पारंपरिक वाद्यांच्या गजरात, ढोल-ताशांच्या ठेक्यावर आणि महिलांच्या उत्स्फूर्त सहभागामुळे एक वेगळाच उत्साह निर्माण झाला.

लालबागे परिवार, नातेवाईक व आप्तेष्टांच्या वतीने ही भव्य मिरवणूक काढण्यात आली. मिरवणुकीचा प्रारंभ मल्हार चौकातील विठ्ठल-रुक्मिणी मंदिरातून झाला आणि नंतर संपूर्ण परिसर “गणपती बाप्पा मोरया…” व “महालक्ष्मी मातेचा जयघोष “ या घोषणांनी दुमदुमून गेला.

पारंपारिक वेशभूषेत सजलेल्या महिलांनी व युवतींनी गौरी-गणपतींचे मुखवटे घेऊन सहभाग नोंदवला. ढोल-ताशांच्या तालावर फुगड्यांचे फेर, झांजांच्या गजरात जयघोष, आणि स्त्रीशक्तीचा जल्लोष – हे दृश्य पाहण्यासाठी लोकांची गर्दी झाली.

महिलांच्या सहभागामुळे मिरवणुकीला एक वेगळीच झळाळी मिळाली. मोनिका गणेश लालबागे, प्रतिभा साखरे, नंदा नवले, तनु साखरे, नेहा लालबागे, प्रिया लालबागे, सायली मेहेत्रे, रेवती भुतारे, आरती लोंढे, रूपाली भुतारे, धनश्री गुजर, रचना पवार, सुवर्णा आगरकर, सविता मेहेत्रे, निक्षीता भुतारे, पूजा चौधरी, शीतल चिपाडे, छाया लालबागे, राणी लालबागे, दीपा चिपाडे, वैशाली पुंड, मोहिनी शिंदे, छाया कानडे यांच्यासह परिसरातील अनेक महिला, युवती व युवक उत्साहाने सहभागी झाले.

मिरवणुकीदरम्यान ठिकठिकाणी नागरिकांनी गौरी-गणपतींचे स्वागत केले, मुखवट्यांचे पूजन झाले, तर फटाक्यांच्या आतषबाजीत रेल्वे स्टेशन ते आनंदनगर असा मार्गक्रमण करत शेवटी समारोप झाला.

मिरवणुकीनंतर लालबागे परिवाराच्या वतीने गौरी-गणपतींची अद्भुत सजावट करून स्थापना करण्यात आली. फुलांच्या आरास, रंगीबेरंगी कपडे, दिव्यांची रोषणाई, आणि विविध खाद्यपदार्थांनी सजवलेल्या या सोहळ्याने घराघरांत मंगलमय वातावरण निर्माण झाले.

महिलांनी भावनांनी व्यक्त केलं – “सोन्याच्या पावलांनी आलेल्या गौरी-गणपतींनी आमच्या जीवनात सुख, शांती आणि समृद्धी आणली आहे.”

ही मिरवणूक केवळ धार्मिक सोहळा नव्हता, तर स्त्रीशक्ती, परंपरा आणि उत्साहाचा संगम होता!

अहिल्यानगरकरांनो, तुमच्याकडे अशी काही धमाल फोटो/व्हिडिओ असतील तर नक्की शेअर करा!
#MetroNews #GauriGanpati2025 #AhilyanagarCelebration #GanpatiBappaMorya