शेतकऱ्यांसाठी ऐतिहासिक निर्णय!
 “शिव पाणंद शेतरस्ता चळवळ” आता घेऊन आली आहे ग्रामीण भागात खऱ्या अर्थाने बदल 

अहिल्यानगर जिल्ह्यातून सुरू झालेल्या शेतरस्ता आंदोलनाला आता मोठं यश मिळालं आहे . शेतकऱ्यांच्या वर्षानुवर्षांच्या संघर्षाला न्याय देत, शासनाने मोफत शेतरस्ते, पोलिस बंदोबस्त, गौण खनिज मोफत, सीमांकनासह क्रमांकित रस्ते अशा अनेक ऐतिहासिक निर्णयांची घोषणा केली आहे .

---

 पार्श्वभूमी काय आहे?
शेतरस्त्यासाठी शेतकरी पिढ्यान् पिढ्या लढत होते. पारनेर तालुक्यातील राळेगणसिद्धी-नारायणगव्हाण शिवरस्त्याच्या मागणीपासून सुरू झालेली ही चळवळ हळूहळू जिल्हाभर पसरली. तहसीलवर झालेल्या पेरू वाटप आंदोलनाने या प्रश्नाला नवा आयाम मिळाला . आंदोलक शेतकऱ्यांच्या मागण्यांची दखल घेत अखेर न्यायालयानेही 60 दिवसांत मोफत शेतरस्ते खुले करण्याचे आदेश दिले.

यानंतर जिल्हाभर महाराजस्व अभियान राबवून हजारो शेतरस्ते खुले झाले .

---

 शासनाचे निर्णय (Game Changer Points):
 शेतरस्त्यांसाठी मोफत पोलिस बंदोबस्त
 अर्ज केल्यानंतर 90 दिवसांत शेतरस्ते उपलब्ध
 12 फुटी रस्ते बांधणी अनिवार्य
 शेतरस्त्यासाठी लागणारे गौण खनिज मोफत (वाळू, मुरुम, कारखडी)
 सीमांकन, हद्द खुणा व वृक्षारोपण कायमस्वरूपी
 प्रत्येक रस्त्याला राज्य महामार्गासारखा क्रमांक देण्याची योजना
 रोड मॉडेल व्हिलेजेस उभी राहणार 

---

 शरद पवळे यांचा निर्धार:
“जोपर्यंत माझ्या शेवटच्या भावाला दर्जेदार शेतरस्ता मिळत नाही, तोपर्यंत मी थांबणार नाही. ग्रामसभेच्या माध्यमातून रोड मॉडेल व्हिलेजेस उभी करून महाराष्ट्राला नवी ओळख देणार. त्यासाठी स्वतंत्र मंत्रालय आणि ग्रामीण विकास महामंडळ उभे करण्यासाठीही लढा सुरू राहील.”

---

 जिल्हाधिकारी डॉ. पंकज आशिया यांनी आश्वासन दिलं आहे की, शेतरस्त्यांबाबतचे सर्व शासन निर्णय पारदर्शकपणे अंमलात आणले जातील.

---

 Metro News चं मत:
हा केवळ शेतरस्ता नसून ग्रामीण भागातील आर्थिक सक्षमीकरणाचा महामार्ग आहे . शेतकऱ्यांचा प्रवास सुलभ होईल, उत्पादन बाजारात सहज पोहोचेल आणि ग्रामीण भागात खऱ्या अर्थाने विकासाची नवी क्रांती घडेल .

---

#MetroNews #BreakingNews #ShivPanandChalval #FarmersRights #Ahilyanagar

---

 तुमचं मत काय?
“शिव पाणंद शेतरस्ता चळवळीला” तुम्ही किती  द्याल? कमेंट करा आणि ही Game Changer News प्रत्येक गावापर्यंत पोहोचवा