कृष्णाली फाउंडेशनच्या हातून जिल्हा परिषद शाळेत भव्य वृक्षारोपण सोहळा! 

जामखेड तालुक्यातील पिंपळगाव आळवा आणि घोडेगाव येथील जिल्हा परिषद प्राथमिक शाळेत कृष्णाली फाउंडेशनच्या वतीने वृक्षारोपण अभियान राबविण्यात आले. रिमझिम पावसाच्या हलक्या वर्षावात शालेय परिसर सजला, विद्यार्थ्यांनी उत्साहाने सहभाग घेतला, आणि विविध प्रकारची झाडे लावण्यात आली. याशिवाय शाळेतील प्रत्येक विद्यार्थीला फळझाडाचे रोप वाटप केले गेले, ज्यामुळे विद्यार्थीही पर्यावरण संवर्धनाशी जोडले गेले. 

हा सोहळा अभिनेते सयाजी शिंदे यांच्या संकल्पनेतून कार्यरत असलेल्या सह्याद्री देवराईचे मॅनेजिंग डायरेक्टर सचिन चंदने यांच्या प्रमुख उपस्थितीत पार पडला. कार्यक्रमात सह्याद्री देवराई फाउंडेशनचे योगेश पंधेरे, CRHP जामखेडचे डॉ. जयेश कांबळे, सेवानिवृत्त वन अधिकारी घायतडक, महाराष्ट्र शासनाचे शास्त्रज्ञ डॉ. रणजीत राऊत, कृष्णाली फाउंडेशनचे संस्थापक अध्यक्ष प्रशांत पाटील शेळके, सचिव प्रियांका पाटील शेळके, खजिनदार अमर बोबडे, सह खजिनदार शिवाजी उबाळे, ग्रामपंचायत सदस्य बबनभाऊ बोबडे, शाळा व्यवस्थापन समिती अध्यक्ष डॉ. सावता बोराटे, उपाध्यक्ष निळकंठ खवळे, आणि इतर ग्रामस्थ मोठ्या संख्येने उपस्थित होते. 

सचिन चंदने यांनी विद्यार्थ्यांना वृक्षारोपणाचे महत्व समजावून सांगितले, त्यातून पर्यावरण संतुलन राखण्याचे महत्त्व, झाडांचे संगोपन आणि त्यांचे जतन करण्याची जबाबदारी याबाबत मार्गदर्शन केले. त्यांनी सह्याद्री देवराईच्या माध्यमातून सुरू असलेल्या उपक्रमांची माहिती दिली. 

डॉ. जयेश कांबळे यांनी जामखेडमध्ये लोकसहभागातून वृक्ष लागवडीची मोठी चळवळ उभारण्याचे आश्वासन दिले. मुख्याध्यापक अशोक घोडेस्वार यांनी कार्यक्रमाचे स्वागत केले, तर प्रास्ताविक प्रियांका पाटील शेळके यांनी केले. 

कृष्णाली फाउंडेशन यापूर्वीही शालेय साहित्य वितरण, नव्या प्रवेशित विद्यार्थ्यांचा पालकांसह सत्कार, सामाजिक उपक्रम राबवून शैक्षणिक क्षेत्रात आपले योगदान देत आहे. येत्या काळात जामखेड तालुक्यात एक भव्य देवराई उभारण्याचा मानस असून, त्यासाठी सह्याद्री देवराई फाउंडेशन आणि कृष्णाली फाउंडेशन यांचे संयुक्त योगदान राहणार आहे. 

या उपक्रमासाठी प्राथमिक बैठक पार पडली असून ग्रामस्थ व सरपंच यांचा सकारात्मक प्रतिसाद मिळाला. बैठकीत सरपंच शरद जगताप, मुख्याध्यापक अनिल यादव, पोलीस पाटील सुभाष पाटील, शिक्षक पाटील सर, राऊत सर, ढेंगळे मॅडम, घायतडक मॅडम, लक्ष्मण भांगे, वैशाली गवळी, उज्वला भोंडवे, सविता रासकर, अंगणवाडी सेविका लता गव्हाळे, आरोग्य सेवक स्वप्नील कुमटकर, सिस्टर सुनीता कार्ले, राठोड, वनपाल तेलंगे आदी उपस्थित होते. 

कार्यक्रमाचे सूत्रसंचालन पवार सर यांनी केले, तर आभार डॉ. जयेश कांबळे यांनी मानले. या उपक्रमामुळे शाळांमध्ये वृक्ष लागवडीसाठी विद्यार्थ्यांमध्ये जागरूकता वाढेल आणि परिसरातील पर्यावरण संवर्धनाला चालना मिळेल, असा आयोजकांचा विश्वास आहे. 

#KrishnaliFoundation #TreePlantation #EnvironmentalAwareness #SchoolInitiative #Ahilyanagar #GreenFuture #DevaraiProject