जळगाव MIDC मध्ये मध्यरात्री गोळीबार – विजेता इंडस्ट्रीज बाहेर दहशतीचं वातावरण! दोन कामगार गंभीर जखमी

जळगाव शहरातील MIDC परिसर पुन्हा एकदा दहशतीच्या छायेत ! मध्यरात्री विजेता इंडस्ट्रीज कंपनीबाहेर झालेल्या गोळीबाराच्या घटनेने संपूर्ण परिसर हादरला आहे. रात्रीच्या शांततेला चिरत बंदुकीचे आवाज घुमले आणि काही क्षणातच परिसरात गोंधळाचे वातावरण निर्माण झाले.

मिळालेल्या माहितीनुसार, सरफू शेख नावाचे कामगार नाईट ड्युटी संपवून घरी जात होते. थोडी विश्रांती घ्यावी म्हणून ते कंपनीबाहेरील टपरीवर पान-बीडी घ्यायला थांबले. पण त्यांना कल्पनाही नव्हती की काही क्षणातच त्यांच्या समोर भीषण प्रसंग उभा राहणार आहे.

त्याचवेळी शेजारील एका अवैध दारू विक्रीच्या टपरीवर राहुल नावाचा तरुण एका व्यक्तीला मारहाण करत होता. हे पाहताच सरफू शेख यांनी काहीच न बोलता बाजूला राहण्याचा प्रयत्न केला, पण अचानक त्या राहुलने त्यांच्यावरच धाव घेत मारहाण सुरू केली.

या घटनेनंतर सरफू शेख यांनी तत्काळ कंपनीतील इतर कामगारांना मदतीसाठी बोलावले. कामगार बाहेर येताच राहुल आणि त्याच्या साथीदारांनी लाठ्या-काठ्यांनी हल्ला चढवला . परिस्थिती नियंत्रणाबाहेर जात असतानाच, घटनास्थळी उपस्थित असलेल्या एका महिलेकडून राहुलला बंदूक दिल्याचे सांगण्यात येत आहे! आणि त्यानंतर झाला बेछूट गोळीबार!

या गोळीबारात अहमद फिरोज शेख (वय 36) आणि राजन शेख रफिउल्ला हे दोघे गंभीर जखमी झाले आहेत . रक्तबंबाळ अवस्थेत त्यांना तात्काळ रुग्णालयात दाखल करण्यात आले असून, यापैकी एकाची प्रकृती चिंताजनक असल्याचे समजते .

गोळीबारानंतर आरोपी राहुल आणि त्याचे साथीदार घटनास्थळीच थांबले असल्याने कंपनीतील इतर कामगार भीतीने आत लपून बसले . या घटनेनंतर संपूर्ण MIDC परिसरात तणावाचे वातावरण निर्माण झाले आहे.

पोलिसांना घटनेची माहिती मिळताच त्यांनी तत्काळ घटनास्थळ गाठले आणि तपास सुरू केला. घटनास्थळी पोलिसांना काही रिकामे काडतूस आणि एक जिवंत काडतूस देखील आढळून आले आहेत, ज्यामुळे गोळीबार किती गंभीर स्वरूपाचा होता हे स्पष्ट होते .

दरम्यान, रुग्णालयात माजी उपमहापौर करीम सालार यांनी भेट देऊन जखमींची विचारपूस केली . त्यांनी या घटनेचा तीव्र निषेध केला असून, पोलिसांनी आरोपींना तातडीने अटक करावी अशी मागणी केली आहे .

पोलिस तपास सुरू!
सध्या पोलिसांनी आरोपी राहुल आणि त्याच्या साथीदारांचा शोध सुरू केला आहे. सीसीटीव्ही फुटेज, प्रत्यक्षदर्शींचे बयान आणि घटनास्थळावरील पुरावे यांच्या आधारे तपास जलद गतीने सुरू असल्याची माहिती पोलिस सूत्रांकडून मिळाली आहे.

स्थानिक प्रतिक्रिया:
या घटनेनंतर जळगाव MIDC परिसरात भीतीचं सावट पसरलं आहे. कामगारवर्गात संताप आणि असुरक्षिततेची भावना वाढली आहे. अनेकांनी सोशल मीडियावरून पोलिस प्रशासनावर प्रश्नचिन्ह उपस्थित केले आहे – “MIDC मध्ये कायदा कुठे आहे?” असा प्रश्न आता नागरिक विचारताना दिसत आहेत .

Metro Portal चा आह्वान:
जळगाव MIDC परिसरातील ही घटना केवळ एक गुन्हा नाही, तर प्रशासनाने तात्काळ हस्तक्षेप करावा लागणारा गंभीर मुद्दा आहे! अशा गुंडगिरीला थारा न देता जखमींना न्याय मिळावा, हीच सर्वांची अपेक्षा .

#JalgaonShootout #MIDC #BreakingNews #MetroPortal #CrimeAlert #JalgaonUpdates #VijetaIndustries #Gunfire #PoliceInvestigation #JusticeForWorkers

घडामोडींचा मागोवा घेण्यासाठी फॉलो करा — Metro News Portal!