लाखाचा पगार पण पाच हजारांची लाच!

सोलापूरच्या जीएसटी ऑफिसात काल जबरदस्त ड्रामा घडला. अँटी करप्शनच्या टीमने दोन राज्य कर अधिकाऱ्यांना अवघ्या ₹5,000 च्या लाचेसाठी रंगेहात पकडलं.

नावं पण धडकी भरवणारी –

• महेश जरीचंद चौधरी (राज्य कर अधिकारी, वय 41, रा. हरिश्चंद्र नगर, धाराशिव)

• आमसिद्ध इराण्णा बगले (राज्य कर निरीक्षक, रा. रेणुका नगर, जुने सोलापूर)

हे दोघे मिळून तक्रारदाराला नवीन GST नंबर देण्यासाठी “खिसा उघड” म्हणाले. तक्रारदाराची फर्म “कन्स्ट्रक्शन अ‍ॅन्ड सर्व्हिसिंग” या नावाने नोंदणीसाठी अर्ज दाखल होता. पण फाईल पुढे सरकवण्यासाठी ₹5,000 हवेच! अशी मागणी करण्यात आली.

 

तक्रारदार थेट ACB सोलापूर युनिट कडे गेला. पडताळणी झाल्यानंतर 21 ऑगस्टला जबरदस्त सापळा रचला गेला. प्लॅननुसार बगले यांनी नोटा घेतल्या व थेट चौधरी यांच्या टेबलावरील फाईलखाली ठेवल्या. त्याच क्षणी एसीबी टीम आत शिरली आणि गेम ओव्हर!

 

कारवाई करणारे हिरो:
उपअधीक्षक प्रशांत चौगुले यांच्या मार्गदर्शनाखाली पोलिस निरीक्षक शैलेश पवार, गणेश पिंगुवाले, तसेच पोह/अतुल घाडगे, सलीम मुल्ला, स्वामीराव जाधव, राहुल गायकवाड यांनी ऑपरेशन सफल केलं.

 

विजापूर नाका पोलिस ठाण्यात गुन्हा दाखल झाला असून दोन्ही अधिकाऱ्यांना ताब्यात घेतलं गेलंय. लाखभर पगार घेणारे अधिकारी फक्त ₹5,000 साठी आपली अब्रू घालवून बसले, ही गोष्ट सोशल मीडियावर जोरदार चर्चेत आलीय.

नेटिझन्सचा सवाल –
“हेच का भ्रष्टाचारमुक्त भारत?”
“इतक्या जबाबदारीच्या पदावर बसून एवढं छोटं वागायचं?”
“लोकांना न्याय द्यायच्या ऐवजी लाच मागता?”

 

ही बातमी आता सोशल मीडियावर प्रचंड व्हायरल होतेय.
#ACBAction #Solapur #CorruptionExposed #GSTScam #ViralNews