अहिल्यानगर फुटबॉल सुपर लीग!

 

नव्या जोशात मैदानावर किक मारत चमकले युवा तारे!

अहिल्यानगर शहरातील फुटबॉलप्रेमींसाठी मोठी आनंदाची बातमी!
नमोह फुटबॉल क्लब आणि प्रकाशजी फिरोदिया फाउंडेशन यांच्या संयुक्त विद्यमाने अहिल्यानगर फुटबॉल सुपर लीगची शानदार सुरुवात नगर क्लबच्या मैदानावर मोठ्या जल्लोषात झाली!

या लीगच्या उद्घाटन सोहळ्याला जिल्हाधिकारी पंकज आशिया आणि त्यांची सुविद्य पत्नी सौ. मोनिका आशिया प्रमुख पाहुणे म्हणून उपस्थित होते.
या वेळी अहमदनगर एज्युकेशन सोसायटीच्या प्रमुख श्रीमती छायाताई फिरोदिया, इंडियन स्पोर्ट्स डिव्हिजनचे हेड लॉरेन्स वीज, आणि प्रसिद्ध अभिनेत्री हेमल इंगळे आदी मान्यवर उपस्थित राहून मैदान गाजवले.

जिल्हाधिकारी पंकज आशिया म्हणाले,

“खेळ केवळ शरीराला नव्हे तर मनालाही ताजेतवाने करतो. फुटबॉल हा तर संघभावना, शिस्त आणि प्रेरणेचं उत्तम उदाहरण आहे. अहिल्यानगर फुटबॉल सुपर लीगमुळे क्रीडा क्षेत्रात नवा आत्मविश्वास निर्माण होईल!”

उद्घाटनाचा कार्यक्रम राष्ट्रगीताने सुरुवात करत, सर्व खेळाडूंनी मान्यवर पाहुण्यांना मानवंदना दिली. त्यानंतर रंगीबेरंगी फुगे सोडून आकाशात उत्साहाचा स्फोट झाला!
जिल्हाधिकाऱ्यांच्या हस्ते टॉस करून स्पर्धेला अधिकृत सुरुवात झाली आणि मैदानावर फुटबॉलचा रोमांचक जल्लोष उसळला!

या लीगमध्ये शहरातील नामांकित संघांनी सहभाग नोंदवला आहे —
RDX Juniors, Munot Strikers, GC Fighters, Gulmohar Challengers, Vidyadan Alpha X, Gandhi Warriors, Conflex Superheroes, आणि Lodha Strikers हे आठ दमदार संघ मैदानात उतरले आहेत.

या संघांच्या मालकांनी खेळाडूंच्या लिलावात सहभाग घेतला. लिलावात AWG ग्रुपचे ऋत्विक वाबळे, NBS फ्लेक्झिबल सोल्युशन्सचे सिद्धार्थ मुनोत, गुलाबचंद कार्पेटवालेचे दर्शन भंडारी, गुलमोहर स्पोर्ट्सचे जोहेब खान, विद्याधाम क्लासेसचे रोहित रामदिन व भावेश मिश्रा, प्रोस्पोस्पर्सचे चेतन गांधी, कॉन फ्लेक्स थिएटरचे प्रणील मुनोत, तसेच राखी लोढा व दीपिका लोढा यांनी मोठ्या उत्साहाने भाग घेतला.

खेळाडूंना स्पर्धेपूर्वी नमोह फुटबॉल क्लबमार्फत तज्ज्ञ प्रशिक्षण देण्यात आले. त्यामुळे या वर्षीच्या लीगमध्ये नवोदित फुटबॉलपटूंकडून अप्रतिम खेळ पाहायला मिळणार, असा विश्वास व्यक्त करण्यात आला.

ही स्पर्धा म्हणजे केवळ खेळ नव्हे तर तरुणाईला एक नवा आत्मविश्वास देणारा क्रीडा उत्सव आहे. सातव्या सिझनमध्ये प्रवेश केलेल्या या लीगच्या आयोजनात नमिता फिरोदिया यांच्या क्रीडाप्रेमाची झलक दिसतेय. त्यांच्या सोबत सिद्धार्थ वांद्रे आणि ऋत्विक चव्हाण यांनीही आयोजनाची धुरा जबाबदारीने पेलली आहे.

लॉरेन्स वीज यांनीही कार्यक्रमात बोलताना म्हटलं —

“अहिल्यानगर फुटबॉल सुपर लीग महाराष्ट्रातील सर्वोत्कृष्ट स्पर्धांना स्पर्धा देईल. इतकं चोख संयोजन क्वचितच पाहायला मिळतं. इथून नक्कीच नवे तारे घडतील!”

अहिल्यानगरातील क्रीडा क्षेत्राला नवसंजीवनी देणारी ही लीग केवळ खेळ नाही, तर एक प्रेरणा आहे — युवकांना स्वतःवर विश्वास ठेवून मोठं स्वप्न पाहण्याची!

“फुटबॉलचा आवाज म्हणजे उत्साहाचा नाद, आणि अहिल्यानगर फुटबॉल सुपर लीग म्हणजे त्या उत्साहाची नवी दिशा!”

मैदानावर गर्दी, जयजयकार, आणि फुटबॉलचा जल्लोष —
अहिल्यानगरमध्ये खेळाचा नवा अध्याय सुरू झाला आहे!

#AhilyanagarFootballSuperLeague #NamoFootballClub #SportsSpirit #FootballFever #YouthPower #MetroNews #AhmednagarSports #NamitaFirodia #PankajAshiya #InspirationThroughSports