अहमदनगर भाजप च्या पदाधिकाऱ्यांचे अन्नाभाऊ साठे यांना अभिवादन

अहमदनगर – देशासह राज्यात मोठ्या उत्सहात लोकशाहीर अण्णाभाऊ साठे यांची जयंती साजरी होत आहे. अहमदनगर शहरातील सिद्धार्थनगर च्या प्रवेश द्वारावर असलेल्या लोकशाहीर अण्णाभाऊ साठे यांच्या स्मारका समोर अनेकांनी पुष्पहार अर्पण केले तसेच अण्णा भाऊंना यावेळी विनम्र अभिवादन करण्यात आले. अहमदनगर भाजप च्या पदाधिकारी व कार्यकर्त्यांनी मोठ्या संख्येने अभिवादन करण्यास हजेरी लावली. तसेच पंचशील विद्यामंदीर प्राथमिक शाळेत पंडीत दीनदयाळ पतसंस्थेचे अध्यक्ष वसंत लोढा यांच्या हस्ते विद्यार्थ्यांना शालेय पाठ्यपुस्तके व साहीत्याचे वाटप करण्यात आले. वसंत लोढा यांनी यावेळी लोकशाहीर अण्णाभाऊ साठे यांना पुष्पहार अर्पण करुन, विनम्र अभिवादन केले. याप्रसंगी अहमदनगर शहर भाजपचे अभय आगरकर, भाजप प्रदेश सरचिटणीस अनासपुरे, सचिन पारखी, प्रशांत गुप्ता, बाळासाहेब भुजबळ, बाबा सानप, सुहास पाथरकर, पंडीत वाघमारे आदींसह भाजपच्या कार्यकर्ते मोठ्या संख्येने उपस्थित होते.