ALERT | बाल लैंगिक अत्याचारासाठी जागा उपलब्ध करून देणाऱ्या हॉटेल/लॉज चालकांवर होणार कठोर कायदेशीर कारवाई! 

अहिल्यानगर आणि श्रीरामपूर विभागातील नागरिकांसाठी एक अत्यंत गंभीर आणि जागरूक करणारी बातमी समोर आली आहे.  बालकांवरील लैंगिक अत्याचार प्रतिबंधक कायदा (POCSO Act) नुसार, अठरा वर्षाखालील बालकांवर कोणताही लैंगिक अत्याचार करणारा व्यक्ती मुख्य आरोपी असतो. परंतु कायद्यातील काही कलमानुसार, जर कोणी अशा अत्याचारासाठी जागा उपलब्ध करून दिली, तर तो व्यक्ती देखील सह आरोपी मानला जातो आणि त्यालाही दहा वर्षापर्यंत कारावास होऊ शकतो. 

 दोन दिवसांपूर्वी राहुरी पोलीस स्टेशन येथे बाल लैंगिक अत्याचाराचा गंभीर प्रकरण समोर आला. या प्रकरणात आरोपींनी दोन वेगवेगळ्या लॉजचा वापर केला, आणि त्या दोन्ही लॉज/हॉटेल चालकांना देखील सह आरोपी म्हणून गुन्ह्यात समाविष्ट केले गेले आहे. 

श्रीरामपूर विभागात एकूण 17 पोलीस स्टेशन येतात, ज्या अंतर्गत बालकांवरील लैंगिक अत्याचारांच्या गुन्ह्यांवर सतत तपास चालू आहे.  पोलिसांनी स्पष्ट केले आहे की, जर कोणत्याही हॉटेल, लॉज किंवा कॅफेच्या मालक/चालकाने निष्काळजीपणे अल्पवयीन मुलगा-मुलींसाठी जागा उपलब्ध करून दिली, तर त्यांना देखील गुन्ह्यांमध्ये सह आरोपी केले जाईल आणि कठोर कारवाई केली जाईल.

 पोलिसांची सूचना हॉटेल/लॉज मालकांसाठी:

• आपल्या लॉज/हॉटेलमध्ये येणाऱ्यांची विहित नमुन्यात नोंद ठेवा 

• वयाची पडताळणी करणे अनिवार्य आहे 

• संबंधित पुरावे आपल्या अभिलेखात ठेवा 

• किरकोळ आर्थिक फायद्यासाठी नियमांचे उल्लंघन केल्यास कठोर कायदेशीर कारवाई होईल 

 श्रीरामपूर विभागात संगमनेर, लोणी, कोपरगाव, सोनई तसेच इतर शहरांमध्ये मोठ्या शैक्षणिक संकुले आहेत. या ठिकाणी राज्यभरातून मुले-मुली शिक्षणासाठी येतात, त्यातील बहुतेक विद्यार्थी अल्पवयीन आहेत. 

 पोलिसांनी स्पष्ट सांगितले आहे की, विद्यार्थ्यांच्या सुरक्षिततेसाठी वरील नियम काटेकोरपणे पाळले जातील. यापुढे बालकांवरील लैंगिक अत्याचारासाठी जागा उपलब्ध करून देणाऱ्या हॉटेल/लॉज/कॅफेच्या मालकांवर अटक आणि गुन्हे दाखल करण्याची कारवाई तत्काळ केली जाईल. 

 लोकमत:
या कठोर निर्णयामुळे सर्व हॉटेल आणि लॉज मालकांना जागरूक राहणे आवश्यक आहे. बालकांच्या सुरक्षिततेसाठी ही उपाययोजना अत्यंत महत्त्वाची आहे. 

 #MetroNews #ChildSafety #POCSO #HotelLodgeAlert #LegalAction #Ahilyanagar #Shirampur #StayAlert #MetroPortal #SafetyFirst