अमेरिकन महिलेला ₹14.18 कोटींचा गंडा – CID च्या जाळ्यात अहिल्यानगरचा तरुण!

पक्की डिजिटल घोटाळ्याची केस!

अहिल्यानगर:
ऑनलाईन गुन्हेगारीचा मोठा स्कॅम उघड! ३१ वर्षीय अभिजित संजय वाघमारे (रा. विराज कॉलनी, अहिल्यानगर) याने अमेरिकेतील एका महिलेला तब्बल 14 कोटींचा चुना लावल्याने सायबर गुन्हेगारीत खळबळ उडाली आहे. या प्रकरणी CID च्या आंध्र प्रदेश पथकाने त्याला तोफखाना पोलिसांच्या मदतीने अटक केली आहे.

कसा झाला गंडा?
CIDच्या तपासात समोर आले की, पीडित महिलेला क्रिप्टो करन्सीद्वारे गुंतवणुकीचं आमिष दाखवण्यात आलं. हळूहळू तिच्याकडून करोडोंची रक्कम उकळण्यात आली, आणि ती रक्कम थेट वाघमारेच्या बँक खात्यात जमा झाली.

सर्व रक्कम डिजिटल ट्रान्सफर झाल्यामुळे CID च्या रडारवर वाघमारे होता. याआधी या प्रकरणी तीन जणांना अटक झाली होती. वाघमारेवर मंगलागिरी (आंध्र प्रदेश) येथील पोलिस स्टेशनमध्ये गुन्हा दाखल होता.

बुधवारी संध्याकाळी CID पथकाने अहिल्यानगरमध्ये दबा धरला आणि तो पळून जाण्याच्या तयारीत असताना त्याला अटक करण्यात आली.

अहिल्यानगरमधून 14 कोटींचा ऑनलाईन घोटाळा?
स्थानिकांना धक्का देणारी ही घटना सोशल मीडियावर व्हायरल होत आहे. अहिल्यानगरसारख्या ठिकाणाहून आंतरराष्ट्रीय पातळीवरील फसवणुकीत सहभाग निघाल्याने लोकांमध्ये भीतीचं वातावरण आहे.

आता पुढे काय?
CID चा संशय आहे की, हा फक्त एक सुरुवातीचा धागा असून, यामागे आणखी मोठं ऑनलाईन स्कॅम नेटवर्क कार्यरत आहे. वाघमारेला आता पुढील चौकशीसाठी आंध्र प्रदेशात नेण्याची शक्यता वर्तवली जात आहे.

सावध व्हा!

“डिजिटल गुंतवणूक करताना विचार करा – गुंतवणूक की गंडा?”
“क्रिप्टो व्यवहार करताना शंभरदा विचार करा!”

ही बातमी शेअर करा आणि तुमच्या ओळखीतील लोकांनाही जागरूक करा.

#CyberFraud #CryptoScam #CIDAction #AhilyanagarCrime #DigitalSafety #14CroreScam #OnlineFraudAlert #MetroNews #ScamAlert #DigitalIndia #BeSmartOnline