Beed Flood Update 2025 – महापुराचा मोठा तडाखा, गावं वेढ्यात, पिकांचं प्रचंड नुकसान!

बीड जिल्हा | सप्टेंबर 22, 2025

बीड जिल्ह्यातील मुसळधार पावसाने महापूराचे थैमान घातले आहे. जिल्ह्यात केवळ एका दिवसात 48.4 मिमी पावसाची नोंद झाली. प्रशासनाच्या आकडेवारीनुसार, 86 महसूल मंडळांपैकी तब्बल 29 मंडळांत अतिवृष्टी झाली आहे.

धरणं 100% भरली!
जिल्ह्यातील 19 प्रकल्पांपैकी 16 प्रकल्प तुडुंब भरले आहेत.

• माजलगाव प्रकल्पातून सहा वक्रद्वारे तब्बल 88,594 क्यूसेक्स विसर्ग सुरू

• मांजरा धरण 98% भरले असून सहा वक्रद्वारे 27,166 क्यूसेक्स विसर्ग सुरू आहे

• उर्ध्व कुंडलिका प्रकल्प 82% भरलेला आहे

या विसर्गामुळे नदी-नाल्यांना महापूर आला असून गावोगाव पूरस्थिती निर्माण झाली आहे.

---

गावं वेढ्यात, पूल वाहून गेला

• शिरूर तालुक्यातील रायमोह–डोंगर किन्ही, रायमोह–येवलवाडी रस्त्यावरील पूल वाहून गेला

• बीड तालुक्यातील बोरखेड–शिंदेवस्ती दरम्यानचा पूलही वाहून गेला

• शिरूर व बीड तालुक्यातील काही घरांची पडझड झाली

---

बचावकार्य सुरू!

पाटोदा तालुक्यातील 70 नागरिकांना सुरक्षित ठिकाणी हलविण्यात आले.

• पारगाव घुमरा – 25 नागरिकांना जिल्हा परिषद शाळेत स्थलांतरित

• पाटोदा शहर – 45 नागरिकांना तहसील कार्यालयात हलविण्यात आलं

• वनवेवाडी (शेंडे वस्ती) – तलाव फुटण्याच्या भीतीने 50 लोकांना डोंगरावर नेऊन बसवण्यात आलं

शिरूर तालुक्यातील ब्रह्मनाथ येळम, डोंगर किन्ही आणि बीड तालुक्यातील आहेर चिंचोली गावांना पुराच्या पाण्याने वेढा दिला होता. सध्या पाणी ओसरू लागल्याने संपर्क पूर्ववत होतो आहे.

शिरूर शहरात पुरात अडकलेल्या 7 नागरिकांना नगरपरिषदेच्या पथकाने वाचवलं
गेवराई तालुक्यातील पिंपळगाव कानडा येथे पूरस्थितीत अडकलेल्या 24 नागरिकांना वाचवण्यासाठी NDRFचे पथक रवाना
नांदूरहवेली (बीड तालुका) – सिंदफना नदीला पूर आल्याने गावाला वेढा, 15 नागरिकांना बाहेर काढलं जात आहे
भूजगाव (गेवराई) – एका अडकलेल्या महिलेला NDRFच्या जवानांनी सुखरूप बाहेर काढलं

---

सिंदफना नदीने गाठली धोक्याची पातळी!

बीड जिल्ह्यातील पाटोदा तालुक्यातून उगम पावणारी सिंदफना नदी अतिवृष्टीमुळे धोक्याची पातळी ओलांडली आहे. पाटोदा, शिरूर, माजलगाव तालुक्यातील नदीकाठच्या गावांत पाणी घुसलं असून शेतीचे प्रचंड नुकसान झाले आहे.

हजारो एकर शेती पाण्याखाली गेली आहे.
शेतकऱ्यांच्या मेहनतीवर अक्षरशः पाणी फिरलं आहे
ग्रामस्थांची मागणी – “प्रशासनाने तातडीने मदतकार्य सुरू करावं!”

---

प्रशासनाचा निर्णय

बीड जिल्ह्यातील सर्व शाळा आणि महाविद्यालयांना तात्पुरती सुट्टी जाहीर

---

महापुरामुळे झालेलं नुकसान

• शेती पिकांचं मोठं नुकसान

• घरांची पडझड

• रस्ते, पूल वाहून गेले

• हजारो लोक विस्थापित झाले

---

बीडकरांनो, तुमच्या परिसरातल्या पुरस्थितीबद्दल अधिक माहिती किंवा फोटो/व्हिडिओ आमच्यापर्यंत पोहोचवा. आम्ही ते Metro News वर दाखवू!

प्रशासन, पोलीस आणि NDRFच्या जवानांकडून सतत बचावकार्य सुरू आहे. मात्र या पुरस्थितीने शेतकऱ्यांचे आणि गावकऱ्यांचे मोठं नुकसान झालं आहे.

---

#BeedFloods #MaharashtraRains #MetroNews #BeedUpdates #FloodAlert