महाराष्ट्रात मकोका कायद्यात मोठी सुधारणा!

महाराष्ट्रात मकोका कायद्यात मोठी सुधारणा! अमली पदार्थविरोधात ‘युद्धपातळीवर’ कारवाई होणार

महाराष्ट्र सरकारने अमली पदार्थांच्या तस्करीवर आणि संघटित गुन्हेगारीवर तोडगा काढण्यासाठी मोठा पाऊल उचललंय!
गृहराज्यमंत्री योगेश कदम यांनी विधानसभेत ‘मकोका कायद्यात सुधारणा’ विधेयक सादर केलं, ज्यामुळे आता अमली पदार्थांच्या प्रत्येक गुन्ह्याला ‘संघटित गुन्हेगारी’ म्हणून वर्गीकृत करण्यात येणार आहे. याचा अर्थ? NDPS कायद्यानुसार गुन्हे मकोका अंतर्गत अधिक कठोर स्वरूपात हाताळले जातील.

मागील पाच वर्षांत महाराष्ट्रात ७३,००० पेक्षा जास्त अमली पदार्थ गुन्हे नोंदले गेले असून, १०,००० कोटींपेक्षा जास्त मूल्याच्या पदार्थांचा जप्ती झाला आहे. आता या टोळ्यांवर आणखी कडक कारवाई होणार, ज्यामुळे अमली पदार्थांचे उत्पादन, तस्करी आणि वितरण थांबवण्याचा प्रयत्न युद्धपातळीवर होईल.

योगेश कदम यांनी स्पष्ट केलं की, ही सुधारणा केवळ तांत्रिक नाही, तर तरुण पिढीला अमली पदार्थांच्या विळख्यात सापडू नये यासाठी सरकार कटिबद्ध आहे.
हे विधेयक अमली पदार्थांशी संबंधित गुन्ह्यांवर कठोर आणि प्रभावी बंदोबस्त करून महाराष्ट्रातल्या समाजाचं रक्षण करणार आहे.

तुमचं काय मत आहे? यामुळे आपल्या राज्यात अमली पदार्थांवर कसं नियंत्रण मिळेल? कमेंट करून कळवा!