📢 BIG NEWS | अकोलेत ऑनलाइन जुगारावर LCB चा धडाकेबाज छापा! 💻🎲

अकोले शहरात सुरू असलेल्या ऑनलाईन बिंगो, मटका आणि डॉलर जुगार रॅकेटचा पर्दाफाश स्थानिक गुन्हे शाखेने (LCB) केला आहे .

Last updated Aug 20, 2025

BIG NEWS | अकोलेत ऑनलाइन जुगारावर LCB चा धडाकेबाज छापा!

अकोले शहरात सुरू असलेल्या ऑनलाईन बिंगो, मटका आणि डॉलर जुगार रॅकेटचा पर्दाफाश स्थानिक गुन्हे शाखेने (LCB) केला आहे . अहिल्यानगर LCB च्या या कारवाईने शहरात एकच खळबळ उडाली आहे. मिळालेल्या माहितीनुसार, अकोले शहरातील बसस्थानकासमोरील नवले कॉम्प्लेक्समध्ये बऱ्याच दिवसांपासून ऑनलाइन जुगार सुरू असल्याची गुप्त माहिती पोलीस निरीक्षक किरणकुमार कबाडी यांना मिळाली होती.

या माहितीनुसार पोलिसांनी काळजीपूर्वक सापळा रचून मंगलवारच्या रात्री कारवाई केली. या ऑपरेशनमध्ये १६ जणांवर गुन्हा दाखल करण्यात आला आहे. तसेच जुगार खेळण्यासाठी वापरण्यात आलेली साधने आणि रोख रकमेसह एकूण ₹४,९८,७०० रुपयांचा मुद्देमाल जप्त करण्यात आला आहे.

या छाप्यात पकडलेले आरोपी म्हणजे —
नितीन निवृत्ती गायकवाड, अमोल मारुती मोहिते, वैभव राजेंद्र गायकवाड, व्हेल्सी गफुर वाघीलो, अक्षय बाबासाहेब सकट, गोपी भाऊराव आवारी, अरबाज मोहम्मद शेख, आकाश संजय परदेशी, रमेश एकनाथ फापाळे, अनिल बाळू पवार, विकास दत्तात्रय आबरे, खंडू केरु सदणीर, शंशीकांत मुरलीधर बेनके, अशोक राजेंद्र जगताप, गणेश हौसराव साबळे आणि अतुल जालिंदर नवले. या सर्वांविरुद्ध अकोले पोलीस ठाण्यात गुन्हा दाखल झाला आहे.

या धडक कारवाईत पोलीस उपनिरीक्षक अनंत सालगुडे यांच्या नेतृत्वाखालील पथकात पोलीस अंमलदार गणेश लोंढे, भाऊसाहेब काळे, सागर ससाणे, आकाश काळे आणि अरुण मोरे यांचा समावेश होता.

विशेष म्हणजे, मोठमोठ्या ऑपरेशन्सनंतरही जुगार आणि अशा प्रकारचे अवैध धंदे अजूनही सुरू असल्याचे या कारवाईतून पुन्हा एकदा स्पष्ट झाले आहे. समाजातील तरुण पिढी मोठ्या प्रमाणात या ऑनलाईन जुगाराच्या आहारी जात असून, यावर नियंत्रण ठेवणे ही पोलिसांसाठी मोठी जबाबदारी ठरत आहे.