BREAKING | जामखेड ग्रामीण रुग्णालयात मोठा खळबळजनक प्रकार! जिल्हा शल्य चिकित्सकांचा अचानक दौरा – 70% कर्मचारी गायब
औषधांचा तुटवडा, वेळेवर डॉक्टर नसणे, खाजगी हॉस्पिटलकडे झुकाव –
जामखेड | जिल्हा शल्य चिकित्सक डॉ. संजय घोगरे यांनी आज (बुधवार) सकाळी दहा वाजता जामखेडच्या ग्रामीण रुग्णालयात अचानक झाडाझडती घेतली आणि खरं चित्र समोर आलं! 
तब्बल 70 टक्के कर्मचारी व अधिकारी गैरहजर होते. एका आरोग्य संस्थेत इतक्या मोठ्या प्रमाणावर अनुपस्थिती म्हणजेच प्रशासनाच्या झोपेचं मोठं उदाहरण म्हणावं लागेल! 
या झाडाझडतीदरम्यान उपस्थित कर्मचाऱ्यांनी घाबरून लगेचच वैद्यकीय अधीक्षक व इतर कर्मचाऱ्यांना फोन करून बोलावून घेतलं. पण तोपर्यंत सर्वकाही स्पष्ट झालं होतं. डॉ. घोगरे यांनी ओळखपत्र, ड्रेस कोड आणि वेळेचं पालन न करणाऱ्या कर्मचाऱ्यांवर कडक कारवाई करण्याचा इशारा दिला.
औषधांचा तुटवडा, वेळेवर डॉक्टर नसणे, खाजगी हॉस्पिटलकडे झुकाव – या सर्व गोष्टींमुळे नागरिक त्रस्त आहेत. ग्रामीण भागातील रुग्णांना आरोग्यसेवा मिळावी म्हणून तयार केलेलं हे रुग्णालय अक्षरशः बेजबाबदार कारभाराचं केंद्र बनलं आहे.
राष्ट्रवादी काँग्रेस (शरद पवार गट) युवक नेते रमेश आजबे यांनी यावर आवाज उठवला असून, त्यांनी आधीच अतिरिक्त जिल्हा शल्य चिकित्सक डॉ. वलांडे यांना घेराव घालून दिड तास जाब विचारला होता. त्यानंतर तत्कालीन तहसीलदार गणेश माळी यांच्याशी पत्रव्यवहार करून आठ दिवसांत सुधारणा न झाल्यास आंदोलनाचा इशारा दिला आहे! 
डॉ. घोगरे यांनी नवीन उपजिल्हा रुग्णालयालाही भेट दिली. यावेळी वैद्यकीय अधीक्षक विष्णू मोराळे यांनी नूतन इमारत पूर्ण होईपर्यंत नगरपरिषदेकडून पर्यायी जागा मिळावी अशी विनंती केली. परंतु डॉ. घोगरे यांनी स्पष्टपणे सांगितलं – “सध्या जे उपलब्ध आहे तिथेच दर्जेदार सेवा द्या, नागरिकांचा विश्वास मिळवा!” 
विशेष सूचना: कामात हलगर्जीपणा करणाऱ्या सर्व कर्मचारी-अधिकार्यांना नोटीस बजावण्यात येणार असल्याचंही त्यांनी स्पष्ट केलं आहे!
#जामखेड_रुग्णालय #DoctorCheck #HealthCareCrisis #नव्या_पिढीसाठी_सत्य #MetroNewsExclusive