कुत्र्यांच्या दहशतीने हैराण नागरिक! 6 महिन्यांत 5,000 लोक झाले श्वानहल्ल्याचे बळी – रेबिज लसीसाठी जिल्हा रुग्णालयात रांगा!

कुत्र्यांच्या दहशतीने हैराण नागरिक! 6 महिन्यांत 5,000 लोक झाले श्वानहल्ल्याचे बळी – रेबिज लसीसाठी जिल्हा रुग्णालयात रांगा!

अहिल्यानगर : मोकाट कुत्र्यांचा हैदोस थांबतच नाही! गेल्या 6 महिन्यांत तब्बल 5,026 नागरिकांना कुत्र्यांनी चावा घेतला, आणि सर्वांना रेबिज प्रतिबंधात्मक लस घेण्यासाठी जिल्हा रुग्णालय गाठावं लागलं आहे. याशिवाय 54 जणांना मांजरांनी, 9 जणांना माकडांनी तर 50 जणांना इतर प्राण्यांनी चावा घेतल्याचं समोर आलं आहे!

महिना महिना 800+ पेशंट्स रेबीज डोससाठी रांगेत!
जनावरे चावतायत आणि उपाययोजना नाहीत – मोकाट कुत्र्यांचे टोळके शहरात वावरणं, लहान मुलं, महिला आणि वृद्धांना धोका निर्माण करणं आता सामान्य गोष्ट झाली आहे.

रेबीज म्हणजे काय?
कुत्रा, मांजर, माकड यांच्यासारख्या प्राण्यांच्या चाव्याने पसरणारा जीवघेणा विषाणू. वेळेत लस न घेतल्यास मृत्यू निश्चित!
5 डोस लागतात – 0, 3, 7, 14 आणि 28व्या दिवशी.

महिन्याचा आकडा बघा:

• जानेवारी: 737
• फेब्रुवारी: 747
• मार्च: 980
• एप्रिल: 811
• मे: 869
• जून: 882

आता वेळ आलीय कठोर उपाययोजनांची – अन्यथा “श्वानहल्ला” ही पुढची आरोग्य महामारी ठरू शकते!