ढगफुटीचा तडाखा – घरात पाणी शिरलं!

अकोला जिल्ह्यातील गुडधी आणि उमरी परिसरात झालेल्या ढगफुटीमुळे नागरिकांचे आयुष्य अक्षरशः विस्कळीत झाले आहे . अचानक आलेल्या मुसळधार पावसामुळे घरात पाणी शिरलं, रस्ते जलमय झाले आणि जनजीवन पूर्णपणे विस्कळीत झालं.

घटनेची माहिती मिळताच आमदार सावरकर यांनी तातडीने घटनास्थळी धाव घेतली आणि नागरिकांच्या भावना जाणून घेतल्या. त्यांनी महानगरपालिका प्रशासनाला स्पष्ट आदेश दिले – “तात्काळ मदतकार्य सुरू करा!”

आमदारांचा आदेश:

• महसूल विभागाने तातडीने सर्वेक्षण करावं

• बाधितांना त्वरित मदत द्यावी

• वीजपुरवठा सुरळीत करावा

• आपत्कालीन व्यवस्थेमार्फत जलद उपाययोजना कराव्या

या भेटीदरम्यान अनेक लोकप्रतिनिधी आणि कार्यकर्ते उपस्थित होते. यात विजय अग्रवाल, जयंत मसने, माधव मानकर, विवेक भरणे, संदीप गावंडे, मिलिंद राऊत, डॉ. अमित कावरे, प्रशांत अवचार, सुभाष खंडारे, अॅड. देवाशिष काकड, पल्लवी मोरे, गणेश लोड, अनुराधा नावरे, अर्चना मसने, विपुल घोगरे, गणेश तायडे, शिवलाल इंगळे आणि सुनिता अग्रवाल यांचा समावेश होता.

महापालिकेचे आयुक्त डॉ. सुनील लहाने हे स्वतः घटनास्थळी दाखल झाले असून बांधकाम, आरोग्य, अतिक्रमण आणि आपत्कालीन व्यवस्थेच्या अधिकाऱ्यांसह कामाला लागले आहेत.

नागरिकांच्या चेहऱ्यावर भीती आणि हतबलता दिसत असली तरी लोकप्रतिनिधींच्या तातडीच्या हालचालींमुळे थोडासा दिलासा मिळाला आहे. सोशल मीडियावरही या घटनेची जोरदार चर्चा सुरू आहे आणि मदतकार्याला गती देण्याची मागणी होत आहे.

Metro News Special Appeal
बाधित नागरिकांना तुमच्या पातळीवरूनही मदत करा
प्रशासनाने जलद गतीने काम पूर्ण करावे अशी अपेक्षा सर्वांची आहे

पावसाने मोठा तडाखा दिला, पण संकटातही एकजुटीने उभं राहणं हेच आपलं बळ आहे!

#AkolaFloods #Cloudburst #MetroNews #BreakingNews #HelpNeeded