ST Bus Breaking News!
दारू पिऊन बस चालवणाऱ्या चालकांवर थेट बडतर्फीची कारवाई!

तुम्हीही लालपरीने (ST बस) प्रवास करता का? मग ही बातमी खास तुमच्यासाठी आहे! महाराष्ट्र राज्य परिवहन महामंडळाच्या लालपरी लाखो प्रवाशांना रोज गंतव्यस्थानी पोहचवते. राज्यभरच नाही तर गुजरात, मध्य प्रदेशसारख्या राज्यांमध्येही एसटी सेवा उपलब्ध आहे. महिलांना तिकीटात 50% सूट, ज्येष्ठ नागरिकांना मोफत प्रवास , विद्यार्थी, पत्रकार, अपंगांना सवलती अशा अनेक सुविधा शासनाकडून देण्यात आल्या आहेत.

पण… काही वेळा चालक स्वतःच्या जबाबदारीचा विसर पडून दारूच्या नशेत बस चालवतात! अशावेळी प्रवाशांच्या जीवाला प्रचंड धोका निर्माण होतो. मग प्रश्न पडतो – अशा चालकांवर नेमकी कोणती कारवाई केली जाते?

ST महामंडळाचं उत्तर एकदम कडक!
चालक दारू प्यायलेला आढळला की सुरुवातीला त्याला निलंबित केलं जातं. चौकशीदरम्यान तो दोषी आढळल्यास त्याला नोकरीवरून थेट बडतर्फ केलं जातं. म्हणजेच लालपरीसोबत गाफीलपणा नाही – नाहीच!

खाजगी वाहन चालकांवर दंड , परवाना निलंबन किंवा रद्द करण्याची कारवाई केली जाते. पण ST बसचालक दारू प्यायलेला पकडला तर त्याच्यावर थेट नोकरी गमावण्याची वेळ येते. कारण प्रवाशांच्या जीवाशी खेळणं ST महामंडळाला अजिबात मान्य नाही.

चालक दारू प्यायला आहे की नाही हे तपासण्यासाठी अल्कोहोल डिटेक्टर आणि ब्रेथलायझर वापरले जातात. सांगली जिल्ह्यातील आकडेवारी पाहिली तर मागील 3 वर्षांत 5 बसचालकांना नोकरीतून बडतर्फ करण्यात आलं आहे. सध्या आणखी एका चालकाची चौकशी सुरू आहे.

प्रवाशांना जर चालकावर संशय आला की तो नशेत आहे, तर तात्काळ तक्रार दाखल करण्याचं आवाहन ST प्रशासनानं केलं आहे. तक्रार आगार व्यवस्थापक किंवा कंट्रोलर यांच्याकडे नोंदवता येते.

प्रवास सुरक्षित व्हावा म्हणूनच अशा कठोर कारवाया होत आहेत. लालपरी ही केवळ गाडी नाही, तर लाखो प्रवाशांच्या विश्वासाची शिदोरी आहे. त्यामुळे अशा नियमांचं पालन होणं गरजेचं आहे!

Metro News Alert: प्रवाशांचा जीव धोक्यात येऊ नये यासाठी ST महामंडळ अगदीच कडक धोरण अवलंबत आहे. चालक दारू पिऊन बस चालवताना पकडला = थेट OUT!