पुणेकरांसाठी धम्माल बातमी! – हिंजवडी ते शिवाजीनगर मेट्रो मार्ग ट्रॅकवर!

पुणेकरांनो, तुमच्या रोजच्या प्रवासाला आता मिळणार आहे नवी सुपरफास्ट गती!
गणेश चतुर्थीच्या शुभमुहूर्तावर हिंजवडी – शिवाजीनगर मेट्रो मार्गावर यशस्वी ट्रायल रन झाली असून आता हा मार्ग लवकरच सर्वसामान्यांसाठी खुला होणार आहे.

सध्या पुण्यात दोन मेट्रो मार्ग सुरू आहेत –
पिंपरी चिंचवड महापालिका ते स्वारगेट
वनाज ते रामवाडी

आता तिसरा मेट्रो मार्ग – हिंजवडी ते शिवाजीनगर हा शहराच्या वाहतूक व्यवस्थेत नवा टप्पा ठरणार आहे.

काय खास आहे या मेट्रो मार्गात?

• एकूण लांबी : 23.3 किमी

• स्थानके : 23 स्टेशनं

• बांधकामाची मुदत : मार्च 2026 पर्यंत (पण सध्याच्या गतीने डेडलाईन आधीच सुरू होण्याची शक्यता!)

• प्रकल्पाची खासियत : PPP मोडेल (पब्लिक-प्रायव्हेट पार्टनरशिप) वर राबवला जात आहे.

• भागीदारी : PMRDA + टाटा + सीमेन्स समूह

गणेश चतुर्थीला झालेल्या चाचणीमध्ये माण ते बालेवाडी या 12 किमी मार्गावर मेट्रो यशस्वीरित्या धावली.
तीन वेगवेगळ्या चाचण्या झाल्या असून सर्वच सुपर यशस्वी ठरल्या आहेत.

यापूर्वी फक्त हिंजवडी डेपो परिसरात ट्रायल झाली होती, पण आता पहिल्यांदाच मेट्रो हिंजवडीच्या बाहेर धावली आणि त्यामुळे पुणेकरांच्या चेहऱ्यावर उत्साह आणि आनंद ओसंडून वाहताना दिसला!

याचा फायदा कोणाला होणार?
आयटी हब हिंजवडीतील हजारो कर्मचारी
विद्यार्थी
शहरात रोज प्रवास करणारे सामान्य पुणेकर

हिंजवडी – शिवाजीनगर प्रवास आता होणार आहे अधिक सोयीस्कर, वेगवान आणि पर्यावरणपूरक!

या मेट्रो मार्गाचे 88-90% काम पूर्ण झाले असून उरलेले काम झपाट्याने सुरू आहे. संबंधित अधिकाऱ्यांच्या मते हा मार्ग चालू आर्थिक वर्षाच्या शेवटीच सुरू होण्याची शक्यता आहे.

पुणेकरांच्या वाहतूक व्यवस्थेत क्रांती घडवणारा हा मेट्रो प्रकल्प लवकरच तुमच्या सेवेत येणार आहे!
आता ट्रॅफिक जॅम, उशीर, ताणतणाव संपला – पुढची सफर होणार सुपरफास्ट!

नेटिझन्स रिअॅक्शन :
“IT वाल्यांचा प्रवास आता झकास होणार!”
“Pune Metro = Time Saver + Stress Buster!”
“हिंजवडी ते शिवाजीनगर = गेम चेंजर!”