पिंपरी चिंचवड महानगरपालिकेला धडा शिकवण्यासाठी जनतेचा स्फोटक पाऊल!

 

पिंपरी चिंचवडमध्ये गेल्या कित्येक दिवसांपासून नागरिक त्रस्त आहेत. मासुळकर कॉर्नर ते मामुर्डी जाणाऱ्या रस्त्यावर मोठमोठे खड्डे , चिखलाचा साठा आणि डंपरची वर्दळ … यामुळे अपघात होण्याची शक्यता प्रचंड वाढली होती. शाळेत जाणारी लहान मुले, महिलावर्ग आणि सर्वसामान्य नागरिकांना दररोज नाहक त्रास सहन करावा लागत होता.

 

        या दुरवस्थेविरोधात अखेर नागरिकांनी एकत्र येत “स्वाक्षरी मोहीम” उभारली . ही मोहीम आज (24 ऑगस्ट 2025) रोजी सकाळी 11 वाजता मामुर्डी, लिटिल अर्थ येथे मा. बापू दिनकर कातळे (संस्थापक अध्यक्ष – संकल्प सोशल फाउंडेशन, उपाध्यक्ष – चिंचवड विधानसभा राष्ट्रवादी काँग्रेस पार्टी) यांच्या मार्गदर्शनाखाली आयोजित करण्यात आली.

लोकांनी अक्षरशः उस्फूर्त प्रतिसाद दिला!
मोठ्या संख्येने नागरिक पुढे आले आणि स्वाक्षऱ्या करून आपला आवाज बुलंद केला. या उपक्रमाला सर्वसामान्य जनतेसह स्थानिक समाजाने प्रचंड पाठिंबा दिला आहे.

मागणी स्पष्ट आहे –

• तातडीने या रस्त्यांची डांबरीकरण व दुरुस्ती करावी

• अपघातांची शक्यता कमी करण्यासाठी डंपर वाहतुकीवर नियंत्रण ठेवावे

• स्थानिकांना सुरक्षित आणि सुरळीत प्रवासाची सुविधा उपलब्ध करून द्यावी

ही मोहीम केवळ रस्ता दुरुस्तीपुरती मर्यादित नाही, तर नागरिकांना आपल्या हक्कासाठी एकत्र यायला शिकवणारी आहे . महानगरपालिकेने यापुढे दुर्लक्ष केले तर लोकशक्ती कोणत्याही वेळी आंदोलनाच्या रूपात पुढे येऊ शकते, असा संदेशही यामधून देण्यात आला आहे.

सोशल मीडियावरही #SignatureCampaign, #BapuKatile, #PCMC या हॅशटॅगसह ही बातमी व्हायरल होत आहे.
तरुणाई, सोशल वर्कर्स, स्थानिक नागरिक आणि कार्यकर्ते मोठ्या संख्येने पोस्ट-स्टोरी टाकून ही गोष्ट ट्रेंड करत आहेत .

शेवटी एकच मागणी –
“रस्ते दुरुस्त करा, नाहीतर जनता उत्तर द्यायला तयार आहे!”

---

#MetroNews | #PimpriChinchwad | #CitizensPower | #ViralCampaign