फेक नोटांचा गेम OVER!

अहिल्यानगरमध्ये पोलिसांनी जबरदस्त कारवाई करत बनावट नोटांचा धंदा करणाऱ्या टोळीला पकडलंय!

या टोळीचा डाव साधा होता – खोट्या नोटा देऊन खऱ्या नोटा घेणं. म्हणजे लोकांना “हुबेहूब” दिसणाऱ्या नोटा दाखवायच्या आणि त्याबदल्यात खरी कॅश उकळायची. पण यावेळी त्यांचा डाव पोलिसांनी हाणून पाडला.

दिनांक 24 रोजी मिळालेल्या गोपनीय माहितीच्या आधारे, स्थानिक गुन्हे शाखेने हनुमान मंदिराजवळ सापळा रचला. तिथे येणाऱ्या पांढऱ्या रंगाच्या मारुती सुझुकी इरटीगा (MH-12-SU-2317) गाडीतून इंद्रजित पवार (29, पुणे), दीपक भांडारकर (32, पुणे) आणि शरद शिंदे (29, अहिल्यानगर) यांना पोलिसांनी जेरबंद केलं.

एवढंच नाही तर त्यांच्याकडून तब्बल

• ₹9,57,000 किमतीच्या हुबेहूब दिसणाऱ्या नोटा

• “भारतीय बच्चो का बँक” असे लिहिलेल्या बनावट नोटांचे मोठे बंडल्स (₹500, ₹200 च्या नोटांमध्ये)

• 1 मारुती सुझुकी इरटीगा

• 1 मोटारसायकल

• 4 मोबाईल फोन

असा मुद्देमाल जप्त करण्यात आला आहे.

मात्र, या टोळीतील काही मेंबर स्विफ्ट गाडीतून आणि मोटारसायकलवरून पसार झाले. त्यांची शोधमोहीम पोलिसांकडून सुरू आहे.

चौकशीत आरोपींनी मान्य केलं की ते नेहमी बनावट नोटा ठेवून व्यवहार करतात आणि याआधीच कोपरगावात 7 लाख रुपयांच्या बनावट नोटा त्यांनी दिल्या आहेत!

पोलिसांनी या गुन्हेगारांविरुद्ध भारतीय न्याय संहिता 2023 चे कलम 179, 180, 3(5) अंतर्गत गुन्हा दाखल केला आहे. तपास सुरू असून इतर आरोपींचा शोध सुरू आहे.

ही धडक कारवाई पोलिस अधीक्षक मा. सोमनाथ घार्गे यांच्या मार्गदर्शनाखाली करण्यात आली.

---

️ मेट्रो पोर्टलचा इशारा! ️
जर कोणाची अशा प्रकारे फसवणूक झाली असेल, तर ताबडतोब आपल्या जवळच्या पोलीस स्टेशनमध्ये तक्रार द्या.

मित्रांनो, अशा टोळ्यांपासून सावध राहा!
फेक नोटांचा खेळ आता पोलिसांनी उघड केला आहे…
तुमचं मत काय? खाली कॉमेंट करा

#MetroNews #Ahilyanagar #FakeNotes #CrimeUpdate #PoliceAction