शेतकरी कर्जमाफी हिवाळी अधिवेशनात? 
 बँकांची तब्बल ३५,४७७ कोटींची थकबाकी 
 २४ लाखांहून अधिक शेतकरी कर्जाच्या जोखडात 

---

 महाराष्ट्रातील शेतकऱ्यांची आर्थिक स्थिती दिवसेंदिवस बिकट होत चालली आहे. राज्यस्तरीय बैंकर्स कमिटीच्या (SLBC) अहवालानुसार शेतकऱ्यांकडे बँकांची तब्बल ३५ हजार ४७७ कोटी रुपयांची थकबाकी आहे. थकबाकी न फेडल्यामुळे २४ लाख ७३ हजार ५६६ शेतकऱ्यांचे बँकांमधील दरवाजे बंद झाले आहेत .

 या वर्षी अतिवृष्टीमुळे राज्यातील तब्बल ६९ लाख हेक्टर खरीप पिकांचे नुकसान झाले. शेतकऱ्यांची उभी पिके पाण्याखाली गेल्याने मोठा आर्थिक फटका बसला आहे. या पार्श्वभूमीवर सरकारने बँकांची थकबाकीची माहिती मागवली असून, हिवाळी अधिवेशनात मोठ्या कर्जमाफीची घोषणा होण्याची शक्यता आहे .

---

 काही जिल्ह्यांमधील थकबाकीचे चित्र पाहा 

 सोलापूर – सर्वाधिक पावणेतीन लाख शेतकऱ्यांकडे बँकांची ३,९७६ कोटींची थकबाकी 
 अमरावती, संभाजीनगर, बीड, बुलडाणा, जालना, नांदेड, परभणी, पुणे, यवतमाळ – प्रत्येकी १ ते २ लाख शेतकरी थकबाकीदार

 एवढेच नव्हे तर, दहा लाखांहून अधिक शेतकऱ्यांच्या डोक्यावर खासगी सावकारांकडील तब्बल १५०० ते २००० कोटींचे कर्ज आहे.

---

 दररोज सहा शेतकरी आत्महत्या करत आहेत!
मदत व पुनर्वसन विभागाच्या आकडेवारीनुसार राज्यात दररोज सरासरी ६ शेतकरी आत्महत्या करत आहेत . नैसर्गिक आपत्ती, बँकांच्या नोटिसा, सावकारांचा तगादा, आणि शेतमालाला मिळणारा कमी भाव यामुळे शेतकरी अक्षरशः उध्वस्त होत आहेत .

---

 २२ जिल्ह्यांमध्ये थकबाकी कमी
महाराष्ट्रातील ३६ पैकी १४ जिल्ह्यांमध्ये शेतकऱ्यांकडे तब्बल ३० हजार कोटींची थकबाकी आहे, तर उर्वरित २२ जिल्ह्यांमध्ये सुमारे ३,५०० कोटींची थकबाकी आहे.

---

 आता सगळ्यांच्या नजरा सरकारकडे!
विरोधक सातत्याने शेतकऱ्यांच्या पूर्ण कर्जमाफीची मागणी करत आहेत. महायुती सरकारने विधानसभा निवडणुकीच्या जाहीरनाम्यात कर्जमाफीचा विषय ठळकपणे मांडला होता.

 आता सरकारच्या समितीचा अहवाल ऑक्टोबरअखेर येणार आहे. त्यानंतर हिवाळी अधिवेशनात शेतकऱ्यांसाठी मोठा दिलासा जाहीर होईल, अशी शक्यता आहे .

---

 तुमचं मत काय?
 शेतकऱ्यांना खरी कर्जमाफी मिळेल का?
 की पुन्हा फक्त आश्वासनांवरच भागवावं लागणार?

---

 शेतकऱ्यांच्या अडचणी आणि कर्जमाफीसंबंधी ही बातमी शेअर करा 
 #FarmerLoanWaiver #MaharashtraPolitics #MetroPortal