पारंपरिक रांगोळीतूनच वास्तववादी कलाकृती निर्माण होतात- प्रमोद कांबळे

नवले हॉल इथे रांगोळ्यांचे प्रदर्शन

Last updated Feb 3, 2021

अहमदनगर : नगरमधील कलारंग अकॅडमी आयोजित 3 दिवसीय अतिवास्तववादी रांगोळी कार्यशाळा 29,30,31 जानेवारी ला संपन्न झाली. या रांगोळी कार्यशाळेला नगरमधील शालेय विद्यार्थ्यांचा उत्स्फूर्त प्रतिसाद लाभला. या कार्यशाळेनंतर विद्यार्थ्यांनी काढलेल्या व्यक्तिचित्रांचे प्रदर्शन गुलमोहोर रोडवरील नवले हॉल इथे भरवण्यात आले होते. कलारंग ड्रॉईंग अकॅडमी च्या रांगोळी प्रदर्शनाला नागरिकांचा उदंड प्रतिसाद.मिळाला. खास लोकाग्रहास्तव प्रदर्शन 2 फेब्रुवारी ला ही नागरिकांसाठी सकाळी 11 ते रात्री 8-30 पर्यंत खुले केले होते.रेष ही मारता येत नसेल वा रांगोळीही टाकता येत नसेल तरीही खात्रीने 3दिवसात तुम्ही सांगाल ते व्यक्तिचित्र आम्ही तुमच्याकडून 100% करून घेऊ अन्यथा दुप्पट फी परत करू हा आत्मविश्वास कलारंग अकॅडमी ड्रॉईंग अकॅडमीच्या संचालिका सुजाता औटी- पायमोडे यांनी खरा करून दाखवला. कलारंग अकॅडमी तर्फे घेण्यात आलेल्या या कार्यशाळेतील शालेय मुलांनी रेखाटलेल्या रांगोळीच्या प्रदर्शन प्रसंगी सुजाता पायमोडे यांनी या कार्यशाळेपासून वंचित राहिलेल्या कलाप्रेमींना पुढील कार्यशाळेला भेट देण्याचे आवाहन केले आहे. या कार्यशाळेतील विद्यर्थ्यांना मिळालेल्या सखोल मार्गदर्शनामुळे कार्यशाळेतील विद्यार्थी रांगोळी काढण्यात तरबेज झाले आहेत. या प्रदर्शनाला अनेक कलाप्रेमींनी भेट दिली आणि कौतुक केले.

Also see this and subscribe

नागरिकांना या व्यक्तिचित्रांसोबत फोटो काढण्याचा मोह देखील आवरला नाही. या कार्यशाळेत परम पूज्य श्री. माताजी निर्मलादेवी यांचे वास्तववादी व्यक्तिचित्र रेखाटणारी सौम्या जाधव हिचा सत्कार प्रदर्शनप्रसंगी उपस्थित असणाऱ्या सहजयोग परिवाराच्या नगरसेविका वीणा बोज्जा यांच्या हस्ते करण्यात आला. यावेळी श्रीनिवास बोज्जा, सौम्या ची आई आणि वडील डॉ. अश्विनी आणि डॉ. सचिन जाधव उपस्थित होते. सौम्या जाधव ही सुरभी हॉस्पिटलचे संचालक डॉ. दीपक जाधव यांची पुतणी आहे. सौम्या ही अवघ्या १० वर्षांची असून, ही तिची पहिलीच कलाकृती आहे. सौम्या ही पाचवीत असून कर्नल परब विद्यालयात शिक्षण घेत आहे. तीन दिवस एकूण तीस तास बसून तिने ही रांगोळी रेखाटली आहे, असे प्रशिक्षक पायमोडे म्हणाल्या. या कार्यशाळेत ५वी ते ७ वी या वयोगटातील जास्तीत जास्त मुलांनी सहभाग घेतला होता. तसेच कलारंग ड्रॉईंग अकॅडमी च्या 16 विध्यार्थ्यांनी या सारख्याच आणखीही अतिवास्तववादी व्यक्तिचित्र रांगोळी मध्ये रेखाटली आहेत अगदी 10वर्षांच्या मुलींपासून पुढील वयोगटातील मुलांनी या तीन दिवसीय कार्यशाळेत सहभाग घेतला होता. सौम्या सोबतच स्वतः च्या आजी चे आतीवास्तववादी व्यक्तीचित्र रेखाटणारी कु.आर्या करडे ही अवघ्या 12 वर्षांची लहान कलाकार आहे. तिची ही पहिलीच रांगोळी असून एकूण 30 तास शांत बसून असा चमतत्कार केला आहे.

नागरिकांच्या प्रतिसादामुळे एप्रिलमध्येही कार्यशाळा

या कार्यशाळेमुळे विद्यार्थयांची एकाग्रता वाढून, विद्यार्थी एका ठिकाणी बराच वेळ बसून अभ्यासात लक्ष केंद्रित करू शकतो. हा फायदा या कार्यशाळेमुळे विद्यार्थ्यांना झाला. आपल्या अहमदनगर चे नाव आंतरराष्ट्रीय पातळीवार नेणारे जेष्ठ शिल्पकार श्री.प्रमोद कांबळे,यांनी पारंपरिक रांगोळीतूनच अशा वास्तववादी कलाकृती निर्माण होतात, असे प्रतिपादन केले. नगरमधील अशा प्रकारच्या कलाकारांचे कौतुक करण्यासाठी या प्रदर्शनाला भेट देण्याचे आवाहन नागरिकांना केले. या प्रसंगी प्रसिद्ध आर्किटेक्ट श्री.अजय अपूर्वा यांनी ही या प्रदर्शनाला आवर्जून भेट दिली. या प्रसंगी एकाग्र चित्ताने एखादं काम करणे आजची पिढी विसरत चालली असताना खूप पेशन्स ठेवून विद्यार्थ्यांनी ह्या रांगोळ्या रेखाटल्या आहेत या बद्दल त्यांनी या विद्यार्थ्यांचे कौतुक केले. यावं प्रदर्शनाला सौ. दीपाली देऊतकर यांनी ही भेट देऊन मुलांचे कौतुक केले. एप्रिल मध्ये पुन्हा अशीच कार्यशाळा घेण्यात येणार असून सुजाता औटी पायमोडे यांनी कलाप्रेमिंना आवाहन केले आहे की त्वरित आपले नाव नोंदवून आपली जगा नक्की करावी. एप्रिल मधील ही कार्यशाळा कलारंग ड्रॉईंग अकॅडमी, सपकाळ हॉस्पिटल समोर, सहकार नगर, सावेडी, अहमदनगर या ठिकाणी घेण्यात येणार आहे. अधिक माहितीसाठी ९८५०१७७०४२ या मोबाईल क्रमांकावर संपर्क साधण्याचे आवाहन सुजाता पायमोडे यांनी केले आहे.