नगरचं हिल स्टेशन – गोरक्षनाथ गड भारताच्या नकाशावर! – अक्षय कर्डीले

नगर तालुक्यातील गर्भगिरी पर्वतरांग म्हणजेच गोरक्षनाथ गड हे केवळ धार्मिक स्थळ नाही, तर पर्यटनासाठीही एक आकर्षणकेंद्र बनलं आहे.
ही भूमी नाथांच्या पदस्पर्शाने पावन झालेली असून हिरवाईने नटलेली आहे. शहरापासून अवघ्या 20 किमी अंतरावर असलेलं मांजरसुंबा हे गाव आणि परिसर आज राज्यभरातील भाविक व पर्यटकांना खेचून आणतं.

---

कर्डीले यांचा ठाम दावा

भाजपचे युवा जिल्हाध्यक्ष अक्षय कर्डीले यांनी अलीकडे गोरक्षनाथ गडाच्या विकासाबद्दल बोलताना सांगितलं –
“गोरक्षनाथ गड आणि देवस्थान आज भारताच्या नकाशावर आहे. येथे येणाऱ्या प्रत्येक भाविकासाठी सुविधा व्हाव्यात यासाठी आम्ही नेहमीच प्रयत्नशील आहोत.”

श्रावण महिन्यात लाखो भाविकांनी येथे भंडारा केला , तर अक्षय कर्डीले यांनीही गडाला तीन वेळा भेट देऊन पूजा केली .

---

मान्यवरांची उपस्थिती

या धार्मिक सोहळ्याला महंत योगी रोहतास नाथ, माजी सभापती बाजीराव गवारे, उपसभापती रभाजी सुळ, माजी सरपंच जालिंदर कदम, सरपंच रूपालीताई कदम, देवस्थानचे अध्यक्ष जयराम कदम, सचिव गोरक्षनाथ कदम, खजिनदार अ‍ॅड. मारुती कदम, तुकाराम कदम, भाऊसाहेब कदम, नारायण कदम, आसाराम कदम, भास्कर कदम, व्यवस्थापक विलास भुतकर, कैलास पठारे, अर्जुन कदम, इंद्रभान कदम आदी मान्यवर उपस्थित होते.

---

‘सोन्याचा डोंगर’ म्हणून ओळख

कर्डीले पुढे म्हणाले की, गोरक्षनाथ गडाला प्राचीन काळापासून मोठा इतिहास आहे. याला ‘सोन्याचा डोंगर’ म्हणूनही ओळखलं जातं.
आमदार शिवाजीराव कर्डीले यांनी आतापर्यंत गोरक्षनाथ गडाच्या विकासासाठी मोठा निधी दिल्यामुळे येथे भाविकांसाठी भव्य उद्यान, लाईट व्यवस्था, पिण्याच्या पाण्याची सोय, गोशाळा, तलाव दुरुस्ती यांसारख्या सुविधा उभ्या राहिल्या आहेत.

---

पावसाळ्यातलं स्वर्गीय रूप

आज गोरक्षनाथ गड परिसर हिरवाईने नटलेला आहे . पावसाळ्यात लहान बंधाऱ्यांमध्ये पाणी साठतं, तर डोंगरावरचे धबधबे स्वर्गीय दृश्य निर्माण करतात.
ढग जवळ येऊन चिटकतात, दुरून दिसणाऱ्या मंदिरावर धुक्याची चादर पसरते – अगदी माळशेज घाटची आठवण करून देणारा नजारा!
म्हणूनच याला लोक आता “नगरचं हिल स्टेशन” म्हणू लागले आहेत.

---

भाविक आणि पर्यटकांची मेजवानी

येथे भाविक तर येतातच, पण पावसाळ्यात पर्यटक आपल्या कुटुंब, मित्र परिवार, ग्रुपसह येथे दिवसभर फिरायला, देवाचे दर्शन घ्यायला व परिसराचा आनंद घ्यायला येतात.
शुद्ध हवा, थंड वातावरण, हिरवाईने भरलेला डोंगर – हे सर्व मिळून गोरक्षनाथ गड आज धार्मिक + पर्यटनाचं परिपूर्ण ठिकाण ठरत आहे.