मराठा आंदोलनातून राज्यात राजकीय भूकंप! 

मुंबई : मराठा आरक्षणाच्या मागणीवरून सुरु झालेल्या आंदोलनाला आता स्फोटक वळण मिळालं आहे. अंतरवाली सराटीवरून मुंबईकडे मोर्चा घेऊन जाण्याच्या तयारीत असलेले मनोज जरांगे पाटील आणि भाजप नेत्यांमध्ये अक्षरशः शब्दयुद्ध पेटलं आहे .

रविवारी बीडमध्ये झालेल्या सभेत मनोज जरांगे यांनी मुख्यमंत्री देवेंद्र फडणवीस यांच्या आईविषयी अपशब्द काढल्याचा आरोप भाजप नेत्यांनी केला. या आरोपानंतर सोशल मीडियावर भाजप कार्यकर्त्यांकडून जबरदस्त संताप व्यक्त केला जात आहे .

 याच पार्श्वभूमीवर भाजप आमदार नितेश राणे यांनी थेट इशारा दिला आहे. ते म्हणाले –
“जे रक्ताने मराठा असतात ते कधीच कुणाच्या आईबद्दल अपशब्द वापरत नाहीत. छत्रपती शिवाजी महाराजांनीही नेहमी आई-बहीणींचा सन्मान केला. पण जर कोणी आमच्या देवेंद्रजींच्या आईबद्दल अपशब्द काढला, तर ती वळवळणारी जीभ हातात काढून देण्याची ताकद आमच्यासारख्या ९६ कुळी मराठ्यांमध्ये आहे!” 

हा इशारा मिळाल्यानंतर राजकीय वर्तुळात चांगलीच खळबळ उडाली आहे. 

दरम्यान, या आरोपांवर मनोज जरांगे यांनी स्पष्टीकरण दिलं –
“मी देवेंद्र फडणवीस यांच्या आईबद्दल काहीही बोललो नाही. बोलण्याच्या ओघात काही शब्द गेले असतील, तर मी ते माघारी घेतो .”

तरीही जरांगे यांनी आपला लढाऊ सूर कायम ठेवत म्हटलं –
“फडणवीसांनी मराठ्यांना आरक्षण द्यावं. पोलिसांनी आमच्या आई-बहीणींवर लाठीमार केला, त्या रक्ताच्या थारोळ्यात पडल्या. तुझी आई तुला प्रिय आहे, तशीच आम्हालाही आमची आई प्रिय आहे. तू मराठ्यांना न्याय दे, मग आम्ही तुझ्या आईची पूजा करू!” 

 या घडामोडीनंतर महाराष्ट्रातील राजकारणात प्रचंड हलचल सुरू झाली आहे. एकीकडे भाजप नेते आक्रमक झाले आहेत तर दुसरीकडे मनोज जरांगे यांनी आपला संघर्ष मागे घेण्याचे कोणतेही चिन्ह दाखवलेलं नाही.

 मराठा आरक्षणाचा प्रश्न आता केवळ आंदोलनापुरता मर्यादित न राहता राजकीय वैराचा विषय बनला आहे. यामुळे आगामी दिवसांत राज्यातील वातावरण आणखी पेटणार, यात शंका नाही!