शेतकऱ्यांसाठी दिलासा! गिरणा धरण ८९% भरले – पावसाची आवक जबरदस्त सुरू! 

चाळीसगाव :
गेल्या काही दिवसांपासून पावसाने जळगाव आणि नाशिक जिल्ह्यात जोरदार हजेरी लावली आहे . याचाच परिणाम म्हणजे गिरणा धरण जवळजवळ पूर्ण क्षमतेने भरू लागले आहे. शुक्रवारी (दि. २९ ऑगस्ट) सायंकाळी ६ वाजेपर्यंत धरणात तब्बल ८८.९२% जलसाठा झाल्याची माहिती पाटबंधारे विभागाकडून देण्यात आली आहे. 

 पावसाळा सुरू होण्यापूर्वी गिरणा धरणात फक्त २१% पाणी शिल्लक होतं. त्यामुळे शेतकरी व नागरिकांची चिंता वाढली होती. मात्र पावसाळा सुरू झाल्यापासून सलग पावसामुळे पाण्याची आवक मोठ्या प्रमाणात होत राहिली आहे. आतापर्यंत एकूण जलसाठ्यात तब्बल ६८% वाढ झाली आहे. 

 शेतकऱ्यांसाठी मोठा दिलासा!
धान, कापूस, सोयाबीन यांसारख्या पिकांसाठी पुरेसं पाणी उपलब्ध राहणार असल्याने शेतकऱ्यांच्या चेहऱ्यावर आनंद फुललाय . पावसाचं पाणी सतत येत असल्याने पुढील काही दिवसांत धरण १००% क्षमतेपर्यंत भरण्याची शक्यता व्यक्त केली जात आहे.

 गावांनाही मोठा फायदा!
गिरणा धरणातील वाढत्या जलसाठ्यामुळे नदीकाठच्या गावांना पिण्याच्या पाण्याचा तुटवडा भासणार नाही. यामुळे ग्रामीण भागात दिलासा मिळालेला आहे. 

 आकडेवारीनुसार –

• २१% वरून सध्या ८९% पर्यंत भरलेलं धरण

• पुढील आठवड्यात १००% भरण्याची शक्यता

• जलसाठ्यातील ६८% ची थेट वाढ

• शेतकऱ्यांना पिकांसाठी मुबलक पाणी

 पावसाचा वेग कायम राहिला, तर लवकरच गिरणा धरण १००% क्षमतेपर्यंत पोहोचेल आणि खरीप हंगामाचा आधार बनून शेतकऱ्यांना मोठा दिलासा मिळेल, असा तज्ज्ञांचा विश्वास आहे. 

 म्हणजेच या वर्षी पाऊस खरंच “गिरणाघरचा राजा” ठरत आहे! 

#GiranaDam #Jalgaon #RainUpdate #FarmersRelief #MetroNews