जबरी चोरीचा आरोपी रामा माळी मुळा धरणात बुडून ठार!

 जबरी चोरीचा आरोपी रामा माळी मुळा धरणात बुडून ठार! पोलिसांपासून पळताना घेतली जीवावर उठलेली उडी

राहुरी | १३ जुलै –
ज्याच्यावर जबरी चोरीचा गुन्हा दाखल होता, तोच आरोपी रामा माळी (वय २९, रा. जांभळी) आज मुळा धरणात मृतावस्थेत आढळला. रविवारी दुपारी त्याचा मृतदेह धरणाच्या पाण्यावर तरंगताना दिसला आणि एकच खळबळ उडाली!

पोलिसांच्या माहितीनुसार, बुधवारी (ता. ९) पहाटे जांभळी गावात रामा माळी आणि त्याच्या साथीदाराने एका वृद्ध महिलेच्या घरात घुसून सोन्याचे दागिने हिसकावले आणि काठीने मारहाण केली. या घटनेनंतर पोलिसांनी गुन्हा नोंदवत शोधमोहीम सुरु केली.

गुरुवारी (ता. १०) पोलिस पथक परिसरात धडक दिल्यावर आरोपींना खबर मिळाली आणि त्यांनी पळ काढला. दोघेही मासेमारीत पटाईत असल्यामुळे थेट मुळा धरणात उड्या मारल्या. त्यातील एकजण – संदीप बर्डे – पोहत बाहेर आला. पण रामा माळीचा श्वास दमला आणि तो पाण्यातच बुडाला.

आज (ता. १३) दुपारी १२ वाजता रामा माळीचा मृतदेह पाण्यावर तरंगताना सापडला. स्थानिकांच्या मदतीने तो बाहेर काढण्यात आला आणि पुढील तपासासाठी राहुरी येथे पाठवण्यात आला.

 “तो माशांच्या मागे गेला होता, पोलिसांपासून नव्हे” – माळीच्या कुटुंबाची सफाई.

 “तो चोरीच्या गुन्ह्यातील आरोपी होता, पोलिसांपासून पळताना धरणात उडी मारली आणि बुडून मेला” – संजय ठेंगे, पोलिस निरीक्षक, राहुरी.

#CrimeNews #RahuriUpdate #ViralNews #MulaDam #BreakingNews #AccusedDrowns #PoliceChase #MaharashtraCrime