शेवगाव नगर परिषद निवडणूक 2025 : रंगणार बहुरंगी रणधुमाळी!

शेवगाव शहरात राजकारणाचा तापमान मीटर सध्या हाय लेव्हल वर पोहोचला आहे! नगर परिषदेच्या निवडणुकीचे बिगूल वाजताच सर्वच पक्षांमध्ये जोरदार हालचालींना सुरुवात झाली आहे. मीटिंग्ज, चर्चासत्रं, गटबाजी, बंडखोरी… सगळंच एका चित्रपटासारखं सुरू आहे

आता सर्वांचे लक्ष आहे नगराध्यक्ष पदाकडे — जे या वेळी सर्वसाधारण महिला प्रवर्गासाठी राखीव आहे. त्यामुळे शहरातील सर्वच पक्ष आता “लेडी पॉवर”वर फोकस करत आहेत

---

राजकीय समीकरणं

शहरात सध्या राष्ट्रवादी काँग्रेस (अजित पवार गट), भारतीय जनता पक्ष (भाजप), राष्ट्रवादी काँग्रेस (शरद पवार गट), वंचित बहुजन आघाडी, जनशक्ती मंच आणि इतर छोटे पक्ष मैदानात सक्रिय झाले आहेत. पण मोठा संघर्ष मुख्यतः तीन पक्षांत दिसतोय —
राष्ट्रवादी (अजित पवार गट)
भाजप
राष्ट्रवादी (शरद पवार गट)

या तिन्ही पक्षांमध्ये उमेदवारीसाठी जोरदार रस्सीखेच सुरू आहे. पक्षांतर्गत बंडखोरी आणि गटबाजीमुळे वातावरण अजून तापलंय!

---

इतिहास सांगतो काय?

शेवगाव नगर परिषदेची स्थापना 15 ऑगस्ट 2015 रोजी झाली आणि पहिली निवडणूक जानेवारी 2016 ला. त्यावेळी 21 पैकी राष्ट्रवादीकडे 9, भाजपकडे 8, आणि अपक्षांकडे 4 जागा गेल्या. गटबाजीमुळे राष्ट्रवादीला बहुमत गमवावं लागलं, पण त्यांनी अपक्षांना साथ घेत नगराध्यक्षपद पटकावलं

---

आताची परिस्थिती

आज दहा वर्षांनीही शेवगाव शहरात अनेक मूलभूत सुविधा नाहीत!

• पाणीपुरवठा दर 15-16 दिवसांनी एकदाच

• सांडपाण्याचे योग्य नियोजन नाही

• रस्त्यांची अवस्था अत्यंत बिकट

• महिलांसाठी स्वच्छतागृहेही नाहीत

म्हणूनच नागरिकांचा सूर स्पष्ट आहे — “सब घोडे बारा टक्के!”

मागील पाच वर्षांत अडीच वर्षे राष्ट्रवादीकडे आणि उरलेली अडीच भाजपकडे सत्ता होती, पण फरक फारसा जाणवला नाही.

---

या निवडणुकीत काय पाहायला मिळणार?

या वेळी नगराध्यक्ष पदासह 12 प्रभागांतून एकूण 24 नगरसेवक निवडले जाणार आहेत. एकूण 35,479 मतदार पात्र आहेत
तरुण, सुशिक्षित आणि जागरूक मतदारांची संख्या मोठी आहे — त्यामुळे “विकासाचं नेतृत्व” की “सत्तेतून पैसा – पैशातून सत्ता” यापैकी कोण जिंकणार हे बघणं रंजक ठरणार आहे

---

जातीय व सामाजिक समीकरणं

शेवगावमध्ये मुस्लिम आणि दलित समाजाचे मतदान लक्षणीय आहे — त्यामुळे त्यांचा निर्णय निर्णायक ठरणार आहे.
त्याचबरोबर “जरांगे फॅक्टर” आणि OBC आंदोलनाचा प्रभाव हाही या निवडणुकीत मोठा रोल बजावू शकतो

---

थोडक्यात

• पक्षांतर्गत बंडखोरीची भीती

• गटबाजीमुळे नुकसानाची शक्यता

• नव्या चेहऱ्यांना संधी मिळण्याची शक्यता

• महिला नेतृत्वाचं वर्चस्व वाढणार

---

शेवगाव नगर परिषद निवडणूक 2025 म्हणजे फक्त राजकीय लढत नाही — ती आहे “विकास विरुद्ध व्यवस्था” यामधील संघर्ष!
आता बघायचं म्हणजे…
नागरिक विकासाला मतदान करतात की गटबाजीच्या राजकारणाला?

संपूर्ण अपडेट्ससाठी राहा जोडलेले — Metro News Portal सोबत
#ShevgaonElection2025 #MetroNews #PoliticalUpdate #MaharashtraPolitics #LocalBodyElection