धक्कादायक! विवाहित महिलेला “फोटो व्हायरल” करण्याची धमकी देत लैंगिक अत्याचार – आरोपी फरार!

अहिल्यानगर शहर हादरलंय! प्रेमदान चौकातील एका लॉजमध्ये 41 वर्षीय विवाहित महिलेला “तुझे फोटो व्हायरल करीन” अशी भीती दाखवत वारंवार लैंगिक अत्याचार करण्यात आल्याचं धक्कादायक प्रकरण उघडकीस आलं आहे.

पीडित महिलेनं मोठं धाडस दाखवत अखेर 19 ऑगस्ट रोजी MIDC पोलीस ठाण्यात तक्रार नोंदवली.

आरोपी कोण?

सोमनाथ शहाजी पाटोळे (रा. सोनई, ता. नगर, जि. अहिल्यानगर) या व्यक्तीविरोधात गुन्हा दाखल झाला आहे.

काय घडलं?

जानेवारी 2023 ते 6 ऑगस्ट 2025 दरम्यान आरोपी सतत पीडितेला धमकावत होता.
“तुझ्या फोटो सोशल मीडियावर टाकीन, तुझ्या नवऱ्याला व मुलींना पाठवीन” असं सांगून अनेकदा शारीरिक अत्याचार केला.
“कोणाला सांगितलंस तर तुला आणि तुझ्या कुटुंबाला संपवीन” अशी जीवाची धमकीही दिली.

पोलीस ॲक्शन

फिर्यादीनंतर लगेचच आरोपीविरोधात गुन्हा दाखल करण्यात आला. मात्र सध्या आरोपी फरार असून, पोलीस त्याचा शोध घेत आहेत. सहाय्यक पोलीस निरीक्षक चौधरी यांच्या मार्गदर्शनाखाली PSI जाधव पुढील तपास करत आहेत.

मेट्रो न्यूज स्पेशल: सोशल मीडियावर फोटो व्हायरल करण्याची धमकी देऊन महिलांना ब्लॅकमेल करणारे गुन्हेगार समाजासाठी गंभीर धोकाच आहेत. अशा अत्याचाराविरोधात महिलांनी धाडसाने आवाज उठवणे गरजेचे आहे.

महिला हेल्पलाईन क्रमांक : 1091
पोलीस हेल्पलाईन : 100