🔥 संगमनेर राजकारणात खळबळ – बाळासाहेब थोरातांचा स्फोटक आरोप! 🔥

“मी महात्मा गांधी नाही, पण जर या राजकारणासाठी बलिदान द्यावं लागलं, तर मला त्याचाही अभिमान आहे.”

Last updated Aug 21, 2025

संगमनेर राजकारणात खळबळ – बाळासाहेब थोरातांचा स्फोटक आरोप!

संगमनेरमध्ये पुन्हा एकदा राजकीय वातावरण तापले आहे. माजी मंत्री बाळासाहेब थोरात यांनी थेट पत्रकार परिषद घेऊन काही महाराज आणि विरोधकांवर सडेतोड टीका केली आहे.

घुलेवाडी येथे संग्राम बापू भंडारे महाराजांनी केलेल्या “मला नथुराम गोडसे व्हावे लागेल” या वादग्रस्त वक्तव्यामुळे वातावरण पेटले. यावर प्रतिक्रिया देताना थोरात म्हणाले
“महाराजांनी अभंग सोडून राजकीय बोलबाला सुरू केला. एका तरुणाने प्रश्न विचारला तर त्याला ‘सायको’ म्हणत अपमान केला. हे सर्व राजकीय फायद्यासाठी घडवून आणलेले नाटक आहे.”

थोरात यांनी आणखी स्पष्ट केले की,
“महाराजांवर कुणी हल्ला केला नाही, मारहाण झाली नाही, वाहन फोडले नाही. ही फक्त सोशल मीडियावरून खोटा गाजावाजा करून राजकीय लाभ घेण्याची योजना आहे.”

त्यांनी विरोधकांवर अप्रत्यक्ष बोट ठेवत म्हटलं –
“आजचे काही लोकप्रतिनिधी हे बाहुल्यासारखे वागत आहेत. निवडणुका जवळ आल्या की अशा घटना घडवून आणल्या जातात. पोलिस यंत्रणेलाही दबावाखाली वापरले जात आहे.”

“आम्हीही हिंदू, वारकरी आहोत पण त्याचं प्रदर्शन करीत नाही. संतांचा संदेश हा समाज प्रबोधनासाठी असतो, राजकीय तडजोडीसाठी नाही. तरीही काही लोक संगमनेरची बदनामी करत आहेत.”

थोरातांनी उपहास करत म्हटले –
“मी महात्मा गांधी नाही, पण जर या राजकारणासाठी बलिदान द्यावं लागलं, तर मला त्याचाही अभिमान आहे.”

थोरातांनी नवीन आमदारांच्या वक्तव्यावरही निशाणा साधला –
“डीएनए तपासण्याची भाषा ही अगदी खालच्या पातळीची आहे. त्यांना किमान डीएनए म्हणजे काय हे माहित आहे का?”

त्यांनी निवडणूक आयोगावरही ताशेरे ओढले –
“त्यांचे भाषण हे कोणीतरी स्क्रिप्ट लिहून दिल्यासारखे आहे. ते राजकीय पक्ष काढू शकतात.”

एकूणच, संगमनेरमध्ये राजकारणाचा तुफान सुरू असून थोरातांच्या विधानांमुळे नवा वाद रंगला आहे.
स्थानिक स्वराज्य संस्थांच्या निवडणुकांचा माहोल तापलेला असतानाच या वक्तव्यामुळे राजकीय रंगमंचावर नवा ट्विस्ट आला आहे.

#Sangamner #BalasahebThorat #PoliticalTwist #BreakingNews

#बाळासाहेब थोरातांचा