तीनदा निविदा काढूनही ऑक्सिजन प्लांटची प्रतीक्षा

       ऑक्सिजन प्लांट उभारण्यासाठी मनपाने आतापर्यंत तीन वेळा निविदा प्रक्रिया राबवूनही  हा प्लांट उभा राहू शकलेला नाही . यापूर्वीच्या प्रस्तावात सिलिंडर भरण्याच्या व्यवस्थेचा समावेश नसल्याने पुन्हा प्रशासकीय मान्यता घेऊन प्रस्ताव तयार केला जाणार आहे . परंतु , मनपाकडे प्लांटसाठीचा  प्रस्ताव तयार करण्यासाठी सक्षम यंत्रणा नसल्याने स्वतंत्र एजन्सी नेमून फेरप्रस्ताव तयार करावा की , मनपा स्तरावरच  करावा असा संभ्रम प्रशासनासमोर  आहे.

       कोरोनाची पहिली लाट नियंत्रणात येण्यासाठी जानेवारी २०१९ पर्यंत वाट पहावी लागली . पण, कोरोना पूर्णपणे हद्दपार झालाच नाही . त्यानंतर कोरोनाच्या दुसऱ्या लाटेच्या उद्रेकात मोठी हानी झाली . ऑक्सिजनचा तुटवडा निर्माण झाल्याने अनेकांचे जीव धोक्यात आले होते. या पार्श्वभूमीवर मनपाने तातडीने ऑक्सिजन प्लांट उभारणीचा निर्णय त्याचवेळी घेतला होता . सुरुवातीला  पीएसए  तत्वावर ( हवेतून ऑक्सिजन निर्मिती ) प्लांट उभारणी निविदा प्रक्रिया राबवली होती . यासाठी सुमारे १ कोटी ४० लाखाच्यानिविदेला स्थायीकडून मंजुरी घेतली होती . पण मुख्य सचिवांनी विडिओ कॉन्फरन्स लीक्वीड पद्धतीचा मेडिकल ऑक्सिजन (एलएमओ) टॅंक उभारणीचे आदेश दिले  त्यामुळे स्थायीत मंजूर झालेली निविदा मनपा प्रशासनाने रद्द केली . ऑक्सिजन टॅंक उभारण्यासाठी सुधारित प्रस्ताव तयार करून आयुक्तांच्या मान्यतेने तांत्रिक मान्यतेसाठी शहर अभियंत्यासमोर जाईल . यापूर्वी  मनमाने तयार केलेला प्रस्तावच रद्द करण्याची नामुष्की ओढावल्यामुळे , नवीन प्रस्तावासाठी एजन्सी नेमावी कि मनपा स्तरावरच करावा असा पेच प्रशासनासमोर आहे. नवीन प्रस्तावानुसार ऑक्सिजन भरण्याची व्यवस्था होणार आहे.