Dr Strike Nagar | “GR मागे घ्या नाहीतर जरांगे पाटील स्टाईल आंदोलन!” – डॉक्टरांचा इशारा

नगर | महाराष्ट्राच्या आरोग्य व्यवस्थेत पुन्हा एकदा मोठा वादंग उभा राहिला आहे . महाराष्ट्र शासनाने नुकताच एक GR काढला आहे, ज्यामध्ये CCMP उत्तीर्ण होमिओपॅथी डॉक्टरांना थेट महाराष्ट्र मेडिकल कौन्सिलमध्ये नोंदणी देण्याचे आदेश देण्यात आले आहेत.

या GR ला डॉक्टरांकडून जोरदार विरोध सुरु झाला आहे. इंडियन मेडिकल असोसिएशन (IMA) च्या नगर शाखेचे सदस्य डॉ. निसार यांनी पत्रकार परिषद घेऊन स्पष्ट शब्दांत सांगितले की –
“हा निर्णय रुग्णांच्या सुरक्षिततेला धोका निर्माण करणारा आहे. त्यामुळे शासनाने तातडीने हा GR रद्द करावा.”

---

२४ तासांचा लाक्षणिक संप सुरु!

IMA अध्यक्ष डॉ. चंद्रवर्धन मिश्रा म्हणाले –
“आम्ही आज २४ तासांचा लाक्षणिक संप केला आहे. पण जर शासनाने आमच्या मागणीकडे दुर्लक्ष केले, तर आम्ही आंदोलन आणखी तीव्र करू. आवश्यक झाल्यास आम्ही जरांगे पाटील पद्धतीने रस्त्यावर उतरू . सरकारने या निर्णयाकडे गांभीर्याने लक्ष द्यायला हवं.”

---

डॉक्टरांचे मुद्दे काय आहेत?

डॉक्टरांनी सांगितले की हा निर्णय म्हणजे रुग्णसेवेला थेट धोका आहे. त्यामागची कारणं

शैक्षणिक असमानता

• MBBS अभ्यासक्रम = 5.5 वर्षे, 19 विषयांचा सखोल अभ्यास, क्लिनिकल अनुभव आणि 1 वर्षाची इंटर्नशिप.

• CCMP = फक्त 1 वर्षाचा कोर्स! आठवड्यातून 2 दिवस शिकवला जातो. अशा पातळ प्रशिक्षणातून दर्जेदार डॉक्टर कसे तयार होणार?

रुग्ण सुरक्षिततेवर धोका
अपूर्ण प्रशिक्षण घेतलेल्या व्यक्तींनी उपचार केल्यास –

• चुकीचे निदान

• दुष्परिणाम

• अँटीबायोटिक रेसिस्टन्स

• आणि रुग्ण मृत्यूचीही शक्यता

विशेषतः ग्रामीण भागात ही परिस्थिती भयंकर ठरू शकते.

दुहेरी प्रणालीचा धोका

• MMC ही संस्था फक्त पात्र MBBS डॉक्टरांची नोंदणी करण्यासाठी आहे.

• CCMP डॉक्टरांना नोंदणी दिल्यास दोन वेगवेगळ्या प्रणाली निर्माण होतील, ज्यामुळे जनतेत संभ्रम आणि अविश्वास वाढेल.

कायदेशीर आणि नैतिक मुद्दे

• NMC (National Medical Commission) चे नियम स्पष्ट आहेत – आधुनिक औषधोपचार फक्त MBBS डॉक्टरांनाच करता येतात.

• CCMP हा फक्त orientation course आहे. त्यावरून अलोपॅथीचे परवाने देणे कायदेशीरदृष्ट्या अयोग्य!

आंतरराष्ट्रीय दर्जा घसरण्याचा धोका

• जागतिक स्तरावर MBBS हा एकमेव मान्यताप्राप्त अभ्यासक्रम आहे.

• CCMP नोंदणीमुळे भारतातील वैद्यकीय शिक्षणाचा आणि आरोग्यसेवेचा दर्जा कमी होईल.

---

लोकांच्या जीवाशी खेळ नको!

IMA डॉक्टरांनी स्पष्ट सांगितलं आहे की – हा निर्णय परत न घेतल्यास डॉक्टरांच्या संपाचा फटका थेट रुग्णांना बसेल.
“लोकांच्या जीवाशी खेळ नको! सरकारने तातडीने योग्य निर्णय घ्यावा,” असं आवाहन डॉक्टरांनी केलं आहे .

---

एकीकडे महाराष्ट्र सरकार आरोग्य क्षेत्रात सुधारणा करण्याचा दावा करत आहे, पण दुसरीकडे या GR मुळे रुग्णांचा जीव धोक्यात येईल की काय? असा प्रश्न निर्माण झाला आहे .

आता सरकार हा GR मागे घेते का, की डॉक्टर खरोखरच जरांगे पाटील स्टाईल आंदोलन करतात? याकडे संपूर्ण राज्याचं लक्ष लागलं आहे!

---

तुमच्या मते – सरकारने हा GR ताबडतोब मागे घ्यावा का?
कमेंटमध्ये तुमचं मत नक्की लिहा

#DrStrike #NagarNews #MetroPortal #Maharashtra #DoctorsProtest #CCMP #IMA