दूध भेसळ रोखण्यासाठी राज्यात नवा कायदा!

कोपरगाव, ता. 22
राज्यातील दुग्ध व्यवसायात भेसळीचे प्रमाण वाढत असल्याच्या तक्रारींना आळा घालण्यासाठी राज्य सरकार लवकरच नवा कायदा आणणार आहे.
“एक राज्य – एक ब्रँड, एक जिल्हा – एक दूध संघ, एक गाव – एक संस्था” अशी भेसळमुक्त आणि सशक्त दुग्धव्यवस्था उभारण्यासाठी सरकार कटिबद्ध आहे, असे राज्याचे दुग्ध विकास मंत्री अतुल सावे यांनी सांगितले.

मंत्री सावे यांचे प्रतिपादन
शासन पातळीवर अभ्यास समिती नियुक्त करून दूध उत्पादकांसाठी सर्वानुमते निर्णय घेतले जातील.
दूध उत्पादन व विक्री व्यवस्थेत पारदर्शकता आणि दर्जा राखण्यासाठी कठोर कायदेसुद्धा अस्तित्वात आणला जाईल.

कार्यक्रमाची पार्श्वभूमी
गोदावरी खोरे दामोदररावजी पर्जने पाटील तालुका सहकारी दूध उत्पादक संघाचे संस्थापक स्व. नामदेवराव पर्जने पाटील यांच्या 21व्या पुण्यस्मरण दिनानिमित्त आयोजित कार्यक्रमात मंत्री सावे बोलत होते.

उपस्थित मान्यवरांचे विचार
कृषिमंत्री माणिकराव कोकाटे:
शेतकऱ्यांची फसवणूक थांबवणे, हमीभाव, पशुखाद्य व चारा पुरवठा, लसीकरण आणि विजेची उपलब्धता यावर शासन कटिबद्ध आहे.

डॉ. सुजय विखे पाटील:
सरकारी दूध संघांना खाजगी क्षेत्राच्या स्पर्धेत टिकवण्यासाठी शासनाने योग्य धोरण आखणे गरजेचे आहे.

उपस्थित मान्यवर:
डॉ. विठ्ठलराव विखे पाटील साखर कारखान्याचे अध्यक्ष डॉ. सुजय विखे पाटील
पद्मश्री विखे पाटील कारखान्याचे अध्यक्ष कैलास तांबे
माजी नगराध्यक्ष विजयराव वहाडणे
नाशिक दूध विभागाचे विभागीय सहनिबंधक सी.एम. बारी
जिल्हा दुग्ध विभागाचे सहाय्यक अभियंता टी.व्ही. भोजने
जिल्हा पशुसंवर्धन उपायुक्त डॉ. उमेश पाटील
जिल्हा पशुसंवर्धन अधिकारी डॉ. दशरथ दिघे