🚨 “शरीर झाकणारे कपडे फाडले, शिवीगाळ केली – पण अजूनही आरोपी मोकाट!”

पीडित महिलेचा पोलिसांसमोर आक्रोश – न्याय न मिळाल्यास उपोषणाचा इशारा

Last updated Aug 1, 2025

🚨 “शरीर झाकणारे कपडे फाडले, शिवीगाळ केली – पण अजूनही आरोपी मोकाट!”
पीडित महिलेचा पोलिसांसमोर आक्रोश – न्याय न मिळाल्यास उपोषणाचा इशारा

अहमदनगर शहरातील केडगाव, वैष्णवी नगर परिसरात एका महिलेवर झालेल्या अश्लील व क्रूर वर्तनाचा संतापजनक प्रकार समोर आला आहे. जातिवाचक शिवीगाळ, अश्लील इशारे, मारहाण आणि अंगावरचे कपडे फाडणे – इतकं घृणास्पद कृत्य करूनही आरोपींवर फक्त अदखलपात्र गुन्हा नोंदवल्याने पीडित महिला संतप्त आहे.

🔹 पीडितेच्या निवेदनानुसार, 26 जुलै रोजी आरोपी युवकाने घराजवळून जात असताना तिच्यावर अश्लील इशारे केले. त्याचा जाब विचारण्यासाठी ती त्याच्या वडिलांकडे गेली असता, उलट वडिलांनीही जातिवाचक अपशब्द वापरत शिवीगाळ केली.
🔹 नंतर आरोपी युवक आणि त्याचा भाऊ तिथे आले आणि दोघांनी मिळून महिलेला बेदम मारहाण केली. एवढंच नव्हे तर तिचे अंगावरचे कपडे फाडण्यात आले आणि या झटापटीत सोन्याचे गंठण गहाळ झाल्याची माहितीही दिली गेली आहे.

📍 या घटनेनंतर महिला कोतवाली पोलीस स्टेशनमध्ये तक्रार देण्यासाठी गेली, पण पोलीसांनी फक्त साधा अदखलपात्र गुन्हा नोंदवला. त्यामुळे ती थेट पोलीस उपअधीक्षकांच्या दारात न्यायासाठी पोहचली.

🔴 महिलेला न्याय मिळेपर्यंत ती शांत बसणार नाही, आणि जर आरोपींवर योग्य गुन्हे दाखल झाले नाहीत, तर ती उपोषणाला बसणार असल्याचा इशाराही दिला आहे.

📢 एक महिला जर थेट उपाधीक्षकांपर्यंत न्यायासाठी धाव घेत असेल, तर समाजातल्या व्यवस्थेवरचं हे गंभीर प्रश्नचिन्ह नाही का?

🙏 मेट्रो पोर्टलच्या वाचकांनो, आवाज उठवा – अन्याय थांबवण्यासाठी, सुरक्षिततेसाठी, आणि न्यायासाठी! ✊